Կիրակի, 23 սեպտեմբերի

Ջավախքում շաքարի գործարան կառուցելու նախագիծ է մշակվում



Ջավախքում շաքարի գործարան կառուցելու նախագիծ է մշակվում: Դրան աջակցելու է Ջավախքի Հեշտիա գյուղում ծնված, այժմ Ռուսաստանի Դաշնության Սոչի քաղաքում բնակվող գործարար Արարատ Վարդանյանը: Նախագծի վերաբերյալ քննարկումներ ընթացել են նաև հայաստանյան գործարարների հետ:

Այսօր «Ջավախքին աջակցություն» հիմնադրամի նախաձեռնած երիտասարդական համաժողովի ընթացքում հայտարարեց հիմնադրամի հոգաբարձուների խորհրդի նախագահ Սոս Սահակյանը:

Բացի դրանից, մշակվում են ևս երկու՝ պահածոների և արևածաղկի յուղի լցման արտադրության նախագծեր:

Ծնունդով Հեշտիա գյուղի գործարար Կարեն Գոմցյանն իր հերթին տրիկոտաժի արտադրություն է հիմնելու: Սանկտ-Պետերբուրգի գործարարները մտադիր են Ախալցխայում առևտրական համալիներ ստեղծել: Հայաստանյան որոշ գործարարներ ցանկություն են հայտնել փոքր հէկեր կառուցել Ջավախքում:

Սոս Սահակյանի կարծիքով, ավանդական՝ անասնապահության և գյուղատնտնեսության ոլորտում Ջավախքում անսահման ռեսուրսներ կան, «սպասում է գործ անողների»:

Առաջիկա օրերին հիմնադրամի ղեկավարությունը Թբիլիսիում հանդիպելու է Վրաստանի խորհրդարանի ազգային փոքրամասնությունների հանձնաժողովի նախագահի հետ, որից հետո այս ծրագրերը ներկայացնելու են տարբեր նախարարություններ:

Անցյալ տարվա գործունեությունը Վրաստանում աննախադեպ համարելով՝ գործարարը նշեց, որ Ջավախքում եղեռնի զոհերի հիշատակին նվիրված 4 հուշարձան է կանգնեցվել:

Սոս Սահակյանը հույս ունի, որ այս օրինակները ոգևորիչ կլինեն նաև մյուս գործարների համար, ովքեր ցանկություն կունենան իրենց ներդրումն ունենալ հայրենի Ջավախքում՝ տարածաշրջանի հայապահպանության նպատակով: 


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ