Չորեքշաբթի, 26 սեպտեմբերի

ԶԳՈՒՇԱՑԵՔ, Ֆեյսբուքում «հանճարներ» են շրջում



Այսօրվա ֆեյսբուքյան լրատուն միգուցե ոչ օբյեկտիվ թվա, բայց դա ինձ հեչ չի հետաքրքրում: «Մեր հիվանդ հասարակության ճիշտ ու ճիշտ արտացոլումն են լրատվամիջոցներն ու սոցիալական ցանցերը»,- հիշեցի դասախոսներիցս մեկի խոսքերը, որ լուրջ չընդունեցի այն ժամանակ:

Արդեն մի քանի օր է, որ գրում եմ ֆեյսբուքյան տեսություն կամ լրատու (ինչպես ուզում եք` անվանեք): Շրջում եմ տարբեր մարդկանց եւ նախաձեռնությունների պատերով, հավաքագրում ինձ հետաքրքրող ինֆորմացիան եւ ներկայացնում «Հետքի» էջերում:

Բայց արի ու տես, մարդիկ, որ ինչ-որ ստատուսներ են հրապարակում միլիոնանոց ընթերցող ունեցող ֆեյսբուքում, կարծեցին` իրենց «հանճարեղ» մտքերն օգտագործում եմ` ընթերցող ունենալու համար:

Մեծարգո ֆեյսբուքյան տիրույթում ձեզ հանճարներ կարծողներ, այս սոցիալական ցանցն ունի կանոններ, որոնցից մեկը մեջբերում եմ.

«Երբ հրապարակում եք որեւէ տեղեկատվություն «Public» շրջանակներում, նշանակում է, որ թույլատրում եք բոլորին (նույնիսկ նրանց, ովքեր չկան ֆեյսբուքում) օգտագործել այդ ինֆորմացիան` ներառյալ Ձեր անունն ու լուսանկարը»:

Հիշեցնեմ նաեւ, որ ֆեյսբուքը դեռեւս չի ստեղծել մի գործիք, որով կարող եք նշել. «Իմ ստատուսները չհրապարակել լրատվամիջոցներում»:

Ուրեմն խորհուրդ բոլորին. գրառում կատարելուց առաջ մի պահ մտածեք, որ ձեր միտքը դառնում է հրապարակային` ֆեյսբուք սոցիալական ցանցի հեղինակային իրավունքներով հաստատված:

Ավելորդ տառապելու եւ օրվա բացասական լիցքերը սրա-նրա պատերին շփելու փոխարեն` արժե մի քիչ քաղաքակիրթ լինել եւ սոցիալական գործիքների գործածելու ձեւը սովորել:

Ավելին ասելու կարիք չկա. այցելեք ֆեյսբուքի ամենաներքեւի տողում «Կանոններ» էջը եւ ծանոթացեք ինքներդ:

Բարին ընդ ձեզ, մինչ վաղը:


Գլխավոր էջ



Այս թեմայով

  • Կարեն Կարապետյանի եզրափակիչ ելույթն Ազգային ժողովում
    Գուցե մի քիչ անհամեստ հնչի, բայց կուզենամ անպայման ճիշտ հասկացված լինել. հավաքվել է բավական ազնիվ, պարկեշտ մարդկանց թիմ:
  • ԲՀԿ-ի քայլը՝ Facebook-ի քննարկման թեմա
    Այսօր ԲՀԿ նախագահ Գագիկ Ծառուկյանի տարածած հայտարարությունը՝ կոալիցիային չմասնակցելու մասին, բուռն քննարկումների առիթ է տվել Facebook սոցցանցի հայաստանյան տիրույթի անդամներին: Բլոգեր Սամվել Մարտիրոսյանը գրել է. «Սաղ գրում են, որ ԲՀԿ-ն չմտավ կոալիցիա: Բա ՀՀԿ-ն մտա՞վ, չհասկացա»: Այս գրառմանը մեկ այլ բլոգեր՝ «Փիղ» անունով հայտնի Տիգրան Քոչարյանը, պատասխանել է. «Կոալիցիան տունը չէր»:
  • Վազգեն Մանուկյանը` դռնապանի պաշտոնում
    Ֆեյսբուքցիներն սկսել են իրենց կարծիքներն ու մտորումներն արտահայտել լուսանկարների միջոցով: Կարծես թե գաղտնի մրցակցություն հայտարարված լինի, թե ով ավելի սուր եւ ծիծաղելի ֆոտո - ծաղրանկար կհրապարակի իր պատին: Նշենք, որ քաղաքական էլիտային ֆեյսբուքցիներն իրոք շատ ճշգրիտ եւ զավեշտալի դերերում են պատկերում: Ներկայացնում ենք այդ լուսանկարներից մի քանիսը:
  • Իսկ դու հրաժարական տվե՞լ ես
    Այս պահինխաղավարը /պայմանական Սերժ/ քթի տակ ծիծաղում է, որովհետև միայն նա գիտի, որ բոլոր խաղացողներինսև քարտ է բաժանել...
  • Սերժը մուկ էր տշում, կաթողիկոսն` աղոթում, ֆեյսբուքցիները` ծիծաղում
    «Հայաստանում կենդանաբանական բալանսն ապահովելու համար անհրաժեշտ է, որ մկից հետո հրաժարական տա նաև Գրանդ Քենդիի փղիկը... Ֆեյբուքյան Փիղը մնացած մկներին լրիվ հերիք է...»:
... կարդացեք ավելին «Ֆեյսբուքի տեսություն» թեմայով
Մեկնաբանություններ (2)
1. Վահե-201011:18 - 30 հոկտեմբերի, 2011
Ամեն անգամ երբ ես փորձ եմ անում մտնել Ֆեյսբուքի կայքեջերից մեկը, Ֆեյսբուքը ինձնից ոչ միայն փոստարկղիս հասցեն է ուզում այլև այդ արկղի բացման գաղտնագիր բանալին: Հարց է առաջանում, եթե ֆեյսբուքը չի ծառայում որոշ երկրների հետախուզական գործակալություններին ապա ինչին է պետք այդ բանալին:
2. Ձեր անունըԶԳՈՒՇԱՑԵՔ, Ֆեյսբուքում «հանճարներ» են շրջում12:24 - 31 հոկտեմբերի, 2011
Մեկնաբանությունը...ԶԳՈՒՇԱՑԵՔ, Ֆեյսբուքում «հանճարներ» են շրջում
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ