HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վահե Սարուխանյան

Հռիփսիմե Խուրշուդյանը փոքր բրոնզ նվաճեց գերծանր կանանց պայքարում

Գերծանր քաշային ծանրորդուհի, քասախցի Հռիփսիմե Խուրշուդյանն այսօր Թբլիսիում փոքր բրոնզե մեդալ նվաճեց +75 կգ քաշի հրում վարժությունում: Պոկում վարժությունում Հռիփսիմեն բարձրացրեց 113 կգ, ինչը չորրորդ արդյունքն էր: Դրանից առաջ մեր մարզուհին պոկել էր 106 եւ 111 կգ-ները: 

Պոկում ձեւում, ինչպես եւ սպասելի էր, առաջինը ռուս Տատյանա Կաշիրինան էր, որը պոկեց 142 կգ: Երկրորդը ուկրաինուհի Անաստասիա Լիսենկոն էր` 126 կգ-ով: Երրորդը ռումինուհի Անդրեա Անեին էր` 120 կգ-ով: Հատկանշական է, որ բոլոր այս մարզուհիները 100 կգ-ից բարձր էին կշռում, այնինչ Հռիփսիմեն ընդամենը 85 կգ է: 

Այդուհանդերձ, մեր մարզուհին հրում վարժությունում ցույց տվեց 141 կգ: Նույն արդյունքին հասավ ռումինուհի Անեին, սակայն անձնական քաշի շնորհիվ մեր մարզուհին տիրեց փոքր բրոնզին: Վարժությունում երկրորդը Լիսենկոն էր` 154 կգ-ով: Միանձնյա առաջատար Կաշիրինան հրեց 180 կգ: 

Երկամարտում առանց անակնկալների չեմպիոնի կոչումը նվաճեց Տատյանա Կաշիրինան, որը ցույց տվեց 322 կգ արդյունք: Լիսենկոն 280 կգ-ով երկրորդն էր, իսկ Անեին` 261-ով` երրորդը: Երկամարտում Խուրշուդյանը գրանցեց 254 կգ եւ 4-րդն էր: 

Այսպիսով` մեր պատվիրակներն ավարտեցին իրենց ելույթները: Նրանք նվաճեցին 1-ական մեծ ոսկե, արծաթե եւ բրոնզե մեդալ: Իսկ փոքր մեդալները ներառյալ Հայաստանի ներկայացուցիչները նվաճեցին 2 ոսկե, 4 արծաթե եւ 2 բրոնզե մեդալ: 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter