«Ռոսնեֆտ» նավթային ընկերության տնօրենների խորհուրդը երկարացրել է ընկերության նախագահ Իգոր Սեչինի պաշտոնավարման ժամեկետը հինգ տարով: Այս մասին այսօր հաղորդել է ընկերությունը:

Ընկերության կայքում հրապարակված փաստաթղթում նշված է նաեւ այդ պաշտոնի համար սահմանված աշխատավարձի չափը: Ամսական աշխատավարձը նախատեսվում է 15-20 մլն ռուբլի: Եւ Սեչինի տարեկան աշխատավարձը կարող է կազմել 240 մլն ռուբլի:Աշխատավարձի վերջնական չափը որոշելու է տնօրենների խորհուրդը: 

Հիշեցնենք, որ «Ռոսնեֆտը» Հայաստանում հիմնադրել է «Ռոսնեֆտ Արմենիա» ընկերությունը, որը ներկայում Հայաստանի բենզինի ու դիզվառելիքի ներկրման ոլորտի առաջատարն է:

Լուսանկարը` mn.ru-ի