Շաբաթ, 22 սեպտեմբերի

Գյուղացուն ծեծել են՝ Վարդան Այվազյանի վարձակալած լճից ձուկ որսալու պատճառով



Բորժոմի շրջանի Տաբածղուր գյուղի բնակիչներից մեկին ծեծել են, երբ նա փորձել է ձուկ որսալ Տաբածղուր լճից: Լիճը վարձակալող ընկերությունը, հիշեցնենք, ՀՀ ԱԺ պատգամավոր Վարդան Այվազյանն է հիմնադրել: Ծեծել են լիճը տիրություն անող անձինք:

Համագյուղացուն ծեծելը գյուղացիների շրջանում բողոքի ալիք է բարձրացրել: Գյուղացիները պահանջում են իրենց վերադարձնել լիճը և թույլ տալ ձկնորսությամբ զբաղվել այնտեղ, քանի որ տարիներ շարունակ դա իրենց միակ եկամտի աղբյուրն է եղել: Այլապես նրանք սպառնում են հեռանալ գյուղից:

Տաբածղուր են ժամանել ոստիկանության աշխատակիցները, այդ թվում Վրաստանի բնապահպանության  նախարարի տեղակալ Թեմուր Մուրղուլիան: Նախարարի տեղակալն ասել է, որ այս ամենի համար Միխելի Սահակաշվիլու իշխանությունն է մեղավոր, ով Վարդան Այվազյանի ընկերությանն է նվիրել այդ տարածքը: Այժմ իրենք փորձելու են հարցը որևէ կերպ կարգավորել:

Հիշեցնենք, որ 2010թ. սեպտեմբերին Վրաստանում գրանցված «Լճեր» ՍՊԸ-ն ձեռք է բերել լճում ձուկ որսալու արտոնագիր, և բնակիչներին արգելվել է լճից ձուկ որսալ: Վրաստանի կառավարությունը, ի դեմս էկոնոմիկայի նախարարության, շուրջ 443 հազար դրամով ընկերությանն է տրամադրել լիճը տնօրինելու 20 տարվա իրավունք:

Տաբածղուրը պատգամավոր Վարդան Այվազյանի ծննդավայրն է, և համագյուղացիները դատի են տվել պատգամավորի ընկերությանը: Նրանք պահանջում են անվավեր ճանաչել և դադարեցնել Տաբածղուր լճում ձկնորսությամբ զբաղվելու Վարդան Այվազյանի հիմնադրած «Լճեր» (შპს "ტბები" ) ընկերության արտոնագիրը և իրենց տրամադրել Տաբածղուր լձում ձուկ որսալու առաջնային իրավունքը:  

Թեմային ավելի մանրամասն կանդրադառնանք առաջիկայում: 


Գլխավոր էջ


Տես նաև՝

ավելին



Մեկնաբանություններ (3)
1. թոշակառու08:46 - 20 մայիսի, 2015
1. Հայտնի է որ "մարդ" կոչվող գիշակերը ունակ է ամեն տեսակի ստորության, որից գազանը կամաչի: 2. ((443 հազար դրամով ընկերությանն է տրամադրել լիճը տնօրինելու 20 տարվա իրավունքը)) - Թող դրա կրկնակին երեսին շպրտեն ու -իկտիր անեն լճից էլ գյուղից էլ, - որպես անհաջող ծնունդի: 3. Եթե մի անձ նույնիսկ իր ծննդավայրն է լափելով ամայեցնում, ապա ի՜նչպես կարելի է նման մեկին մի ամբողջ հանրապետության կարեւորագույն գործառույթները վստահել???
2. Հովսեփ19:39 - 20 մայիսի, 2015
Մեր չինովնիկների ագահության չափ ու սահման չկա։ Բայց միևնույն ժամանակ երբ նայում ես նրանց պաշտոնական հայտարարագրերին, ցանկանում ես դրամահավաք կազմակերպել խեղջերին նյութապես աջակցելու համար։ Իսկ ամենացավալին էն ա, որ էս ամենաթողության վերջը չի էրևում։ Տարեց տարի ավելի ու ավելի լկտի են դառնում, հանդուգն։
3. Зураб23:05 - 21 մայիսի, 2015
Комментарий ...Вардан Айвазян - Пазор Армянского Народа! Он устройл настоящий геноцид Грузинским Армянам в селах Табацкури и Молити. Он за 1000 долларов на фиктивном аукционе купил самое большое озеро в Грузии и насильственнимы способами заставляет местным Армянам покинуть родные земли. Кроме Геноцида Армян Грузии, Айвазян такжэ устройл Экоцид на озере Табацкури. Он уничтожает уникальную ихтиофауну Озера.
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ