HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

150 մլն դրամով ոտիկանության կարիքների համար դետեկտիվ ու ֆիլմաշար է պատրաստվում

ՀՀ ոստիկանության պատվերով Հանրային հեռուստաընկերությունը նկարահանում է «Իմ բանակը» խորագրով թվով 14 ֆիլմ` յուրաքանչյուրը 26 րոպե տևողությամբ, ինչպես նաև երևանյան դետեկտիվ պատմություններ` բաղկացած 16 մասից:

Ոստիկանության կարիքների համար կինո և տեսաֆիլմերի պատրաստման ծառայությունների մատուցման պայմանագիրը կնքվել է այս տարվա մարտի 16-ին, որի արժեքը կազմում է 150 մլն դրամ:

«Հ1»-ն ու ոստիկանությունը պայմանագրով հստակեցրել են, որ ««Իմ բանակը» նախագծի հիմնական նպատակն է պատկերել Հայաստանի Հանրապետության զինված ուժերի հզոր իրականությունը: 14 հաղորդումներից բաղկացած այս ֆիլմաշարը հայ և միջազգային լայն հանրությանը կներկայացնի մեր բանակի ինչպես տեխնիկական և ֆիզիկական կարողությունները, այնպես էլ հայ ռազմիկի մարտական ոգին»,- գրված է պայմանագրում:

Ինչ վերաբերում է դետեկտիվ ֆիլմաշարին, կողմերը պայմանավորվել են, որ ֆիլմաշարը զերծ է լինելու գողական «պարզաբանումներից», ժարգոնից, իրադարձությունների անհեթեթ զարգացումներից, իրավապահի կերպարի աղավաղումներից:

Նշենք, որ պայմանագրի կնքման պահին ոստիկանությունը գումար չի ունեցել և պարտավորվել է 150 մլն դրամը Հանրային հեռուստաընկեևությանը վճարել անհրաժեշտ ֆինանսական միջոցներ հատկացվելու դեպքում: Մայիսի 4-ին կողմերի միջև ստորագրվել է համաձայնագիր, որով ոստիկանությունը պարտավորվել է գումարը վճարել 10 աշխատանքային օրվա ընթացքում:

Մեկնաբանություններ (1)

Գեւորգ
Աշտարակցի ազնիվ քննիչը զգուշացնում է կասկածյալին - լավ իմացի, քեզ խաչաձեւ եմ յարցաքննելու: - Անումդ? - Ազգանումդ? - Կովն ում յետ մորթեցիր?

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter