«Եվրատեսիլ 2015»-ի հաղթողը Շվեդիայի ներկայացուցիչն է
27 երկրների միջև Ավստրիայի մայրաքաղաք Վիեննայում կայացած «Եվրատեսիլ 2015» երգի մրցույթում Հայաստանը ներկայացնող «Genealogy» խումբը զբաղեցրեց 16-րդ հորիզոնականը՝ հավաքելով 34 միավոր: «Եվրատեսեիլ 2015»-ի հաղթող ճանաչվեց Շվեդիայի ներկայացուցիչ Մոնս Զելմերլովն իր «Heroes» երգով:
Հայաստանին 12 միավոր տվեց միայն հարևան Վրաստանը: Բացի գրաֆիկում ներկայացվածներից, մյուս բոլոր երկրներից հայաստանը 0 միավոր ստացավ:
Հայաստանն իր 12 միավորը տվեց Ռուսաստանին, 10-ը՝ Վրաստանին, 8-ը՝ Մոնտենեգրոյին:
«Genealogy» խումբը կազմվել է 6 աշխարհամասերի հայազգի ներկայացուցիչներից: Հայաստանից խմբին միացել է Ինգա Արշակյանը: Եվրոպան ներկայացնում է ֆրանսահայ Եսայի Ալթունյանը, Ամերիկան՝ Թամար Կապրելյանը, Աֆրիկան՝ Վահե Թիլբյանը, Ասիան՝ Ստեֆանի Թոփալյանը, Ավստրալիան՝ օպերային երգչուհի Մերի-Ջին Օ'Դոհերթի Վասմաթզիանը:
«Genealogy»-ի «Don't deny» երգի երաժշտության հեղինակը Արմեն Մարտիրոսյանն է, խոսքերը գրել է Իննա Մկրտչյանը: Առաջին եռյակում են Ռուսաստանը և Իտալիան:
Մեկնաբանություններ (2)
Մեկնաբանել