Անի Գևորգյան

Երեւանի Տերյան 127 շենքը 2007թ-ի մարտի 1-ից ճանաչված է հանրային գերակա շահ: Տարիներ շարունակ, սակայն, քաղաքապետարանին ոչ մի կերպ չի հաջողվում քանդել այս շենքը, քանի որ 21-րդ բնակարանում բնակվող ընտանիքի հայրը՝ ՃՈ աշխատակից Արմեն Մադաթյանը տարբեր իրավական հնարքներով կարողանում է հետաձգել շենքը քանդելու գործընթացը: Նրա խոսքով, իր կյանքի իմաստը շենքի քանդման դեմ պայքարելն է. «11 տարի վարձով բնակվելուց հետո վերջապես կարողացանք գնել այս բնակարանը եւ ունենալ մեր սեփական տունը: Այս տուն տեղափոխվելուց ուղիղ մեկ ամիս անց շենքը ճանաչվեց հանրային գերակա շահ: Շենքի մյուս բնակիչներին կարողացան սուտ խոստումներով եւ քիչ գումարներով հանել շենքից, իսկ մեզ չկարողացան, քանի որ մենք դիմակայում ենք ապօրինությանը եւ դա անում ենք օրենքի շրջանակներում»:

Ֆոտոպատմությունը տես այստեղ: