Տեսանյութեր
Լուսանկարներ
Պուտինի շնորհավորանքը՝ Սերժ Սարգսյանին
Ռուսաստանի նախագահ Վլադիմիր Պուտինը շնորհավորել է Սերժ Սարգսյանի ծննդյան օրը: Նրա շնորհավորական ուղերձը ներկայացնում ենք ստորև.
«Հարգելի՛ Սերժ Ազատի,
Ընդունեք ամենաանկեղծ շնորհավորանքները Ձեր ծննդյան օրվա կապակցությամբ:
Ձեր պետական գործունեության տարիներին Դուք ձեռք եք բերել Ձեր հայրենակիցների շրջանում արժանի հարգանք, ինչպես նաև մեծ հեղինակություն՝ միջազգային ասպարեզում: Բարձր եմ գնահատում Ձեր անձնական ներդրումը մեր երկրների միջև բարեկամական, դաշնակցային հարաբերությունների ամրապնդման գործում:
Ջերմությամբ եմ հիշում վերջերս Մոսկվա կատարած Ձեր այցը, որի ընթացքում մենք միասին մասնակցեցինք Հայրենական մեծ պատերազմում հաղթանակի 70-րդ տարեդարձին նվիրված միջոցառումներին: Ուրախ կլինեմ մեր նոր հանդիպումների, կառուցողական երկխոսության և համատեղ սերտ աշխատանքի շարունակության համար՝ ի բարօրություն Հայաստանի և Ռուսաստանի եղբայրական ժողովուրդների:
Սրտանց ցանկանում եմ Ձեզ քաջառողջություն, երջանկություն, բարեկեցություն, հաջողություններ և ամենայն բարիք»,- ասված է Պուտինի շնորհավորական ուղերձում:
Ինչպես հայտնում են նախագահական նստավայրից՝ Վլադիմիր Պուտինն այսօր նաև հեռախոսազրույց է ունեցել Սարգսյանի հետ:
Երկու երկրների ղեկավարները հեռախոսազրույցի ժամանակ անդրադարձել են նաև ռազմավարական դաշնակից պետությունների միջև հարաբերությունների խորացմանն ու բոլոր ոլորտներում համագործակցության զարգացմանը վերաբերող հարցերին:
Մեկնաբանել