Պարզաբանում  «Հետք» կայքի կողմից հրապարակված «Անմեղ մարդը մեկ տարի և չորս ամիս գտնվել է բանտում» վերտառությամբ հոդվածի առնչությամբ

Ի պատասխան «Հետք» լրատվական կայքի կողմից հրապարակված «Անմեղ մարդը մեկ տարի և չորս ամիս գտնվել է բանտում»  վերտառությամբ հոդվածի՝ նշենք, որ ՀՀ Աարմավիրի մարզպետ Աշոտ Ղահրամանյանի կողմից մարզի «Քեվօրք և Անիտա Փակումեանների հիշատակի «Հիսուսի մանուկներ» առողջության կենտրոն» փակ բաժնետիրական ընկերության տնօրեն Գագիկ Հարությունյանին զբաղեցրած պաշտոնից ազատումը պայմանավորված է ընկերությունում իրականացված աուդիտի արդյունքներում արձանագրված խախտումներով միայն և համապատասխանում է գործող աշխատանքային օրենսդրության պահանջներին:

 Ինչ վերաբերում է «Քեվօրք և Անիտա Փակումեանների հիշատակի «Հիսուսի մանուկներ» առողջության կենտրոն» փակ բաժնետիրական ընկերությունում իրականացված կրկնակի աուդիտին, հարկ ենք համարում նշել, որ 2013 թվականին ընկերությունում իրականացվել է ֆինանսական աուդիտ, որի ընթացքում գործառնությունները ուսումնասիրվել են ընտրանքի սկզբունքով: Իսկ 2015 թվականին իրականացվել է համակարգի գնահատման աուդիտ, որի ընթացքում ուսումնասիրվել են ընկերության կողմից իրականացվող ողջ գործառույթները: 

Ստորև ներկայացնում ենք քաղվածք` աուդիտորական հաշվետվությունից. 

Ընկերությունում իրականացված աուդիտի արդյունքում պարզվել է, որ 2012-2014թթ. բաժնետիրոջ կողմից հաստատված հաստիքացուցակներով նախատեսված պետության կողմից երաշխավորված անվճար արտահիվանդանոցային բժշկական օգնության և սպասարկման ծառայությունների իրականացման համար նախատեսված հաստիքների մասով (բժիշկ ուռուցքաբան, բժիշկ մաշկաբան, վիրաբույժ, բժիշկ քիթ, կոկորդ, ականջաբան, բժիշկ սրտաբան) ընկերությունը չի ունեցել համապատասխան մասնագետներ, և ՀՀ վարչապետի 10,06,2011թ. N22 արձանագրային որոշմամբ սահմանված կարգով վերոհիշյալ մասնագիտությունների գծով թափուր հաստիքների մասով մրցութային գործընթացներ չի իրականացվել 2012-2014թթ.:

Մրցույթ է իրականացվել 2012թ. նոյեմբերի 22-ին՝ մանկաբույժի թափուր հաստիքի համալրման նպատակով:

Ընկերության տնօրենը խախտել է ՀՀ առողջապահության նախարարի 2011թ. փետրվարի 14-ի N168 Ա հրամանով հաստատված չափորոշիչի 22-րդ կետի առաջին ենթակետի պահանջները, այն է՝

«Երբ մարզպետարանի առողջապահության վարչությունը չի կարողանում ապահովել տեղամասային սկզբունքով աշխատող և մասնագիտական կաբինետի բժշկական անձնակազմի (բժիշկների և բուժքույրերի) համապատասխան թիվը,տեղամասային սկզբունքով աշխատող և մասնագիտական կաբինետների բժշկական անձնակազմը կարող է սպասարկել սահմանված առավելագույն թիվը գերազանցող բնակչության»:

 Սակայն ընկերության տնօրենի կողմից առանց մարզպետարանի առողջապահության վարչություն հայտ ներկայացնելու և առանց հիմնադիրի համաձայնությունը ստանալու

 1. տնօրեն Գ. Հարությունյանի վրա է դրվել բժիշկ ուռուցքաբանի, բժիշկ մաշկաբանի, վիրաբույժի պարտականությունները, այս դեպքում  խախտվել է նաև ընկերության կանոնադրության 8.2 կետի 19-րդ ենթակետի պահանջները, այն է՝ ղեկավար պաշտոնատար անձանց աշխատանքի վարձատրությունը և պայմանների որոշումը ընկերության ընդհանուր ժողովի միանձնյա իրավասությունն է:

 2. Ընկերության ընտանեկան բժիշկ Գայանե Սահակյանի վրա է դրվել բժիշկ սրտաբանի և բժիշկ քիթ կոկորդի ականջաբանի պարտականությունները:

 Կից կցվում է Գ.Հարությունյանի աշխատավարձի վճարման հաշվարկը, ըստ ամիսների 2012.2013թթ.-ի. Աղ.1

 Ընդամենը 2012թվականին վճարվել է 582790,0դ*90%=524511,0դրամ

Ընդամենը 2013թվականին վճարվել է 419832*90%=377849,0դրամ: 

3. «Բաղրամյան1 ԲԱ» ՓԲԸ-ի տնօրեն Լ.Գասպարյանը (Գ.Հարությունյանի կինը) համատեղությամբ աշխատել է որպես ընտանեկան բժիշկ Հայաստանի Հանրապետության Արմավիրի մարզի «Քեվօրք և Անիտա Փակումեանների հիշատակի «Հիսուսի մանուկներ» առողջության կենտրոն» փակ բաժնետիրական ընկերությունում, սակայն չկա կազմակերպությունների միջև համապատասխան համաձայնագիր, որպեսզի հանարավոր լինի պարզելու համատեղության ժամերը: Անձնական գործերում առկա է Լ.Գասպարյաի հետ կնքված 01.01.2006թ.-ի N4 աշխատանքային պայմանագիրը, որը Գասպարյանի կողմից ստորագրված չէ:  Ամեն տարի գրվել է համաձայնագիր պայմանագիրը երկարաձգելու մասին (մինչև 2012թ.-ի դեկտեմբերի 30-ը): 2012թ. դեկտեմբերի 30-ին կնքվել է աշխատանքային պայմանագիր N4/1, ըստ որի ֆիքսվել է համատեղության ժամերը(12.00-16.00): Պետության կողմից երաշխավորված անվճար բժշկական օգնության և սպասարկման շրջանակներում բնակչությանը ցուցաբերվող շտապ բժշկական օգնության ծառայության իրականացման նպատակով հաստատված շտապ օգնության բժիշների թափուր 4 հաստիքների մասով 2012-2014թթ. ընթացքում մրցույթ չի հայտարարվել կամ խախտվել է վարչապետի 10.06.2011թ.-ի N22 արձանագրային որոշմամբ սահմանված պահանջները:

Աշխատանքային ժամերին շտապ օգնության կանչերը սպասարկվել են Ընկերության առողջության կաբինետի բժիշկների կողմից, իսկ ոչ աշխատանքային ժամերին և ոչ աշխատանքային օրերին հերթապահությունն իրականացվել է Ընկերության տնօրեն Գ.Հարությունյանի և «Բաղրամյան1 ԲԱ» ՓԲԸ-ի տնօրեն Լ.Գասպարյանի կողմից աշխատանքային օրենսգրքի 139-րդ հոդվածի 3-րդ մասի պահանջների խախտմամբ, այն է՝ աշխատաժամանակի առավելագույն տևողությունը ներառյալ արտաժամյա աշխատանքը չի կարող անցնել օրական 12 ժամից «հանգստի և սնվելու համար ընդմիջումը ներառյալ», իսկ շաբաթվա ընթացքում 48 ժամից, և 146-րդ հոդվածի 1-ին մասի պահանջները, այն է՝ գործող պահանջով արտաժամյա աշխատանքը իրար հաջորդող 2 օրվա ընթացքում չպետք է գերազանցի 4 ժամը, իսկ տարվա ընթացքում 180 ժամը:

Նորմայից ավել կատարված աշխատանքի աշխատաժամերի ու աշխատավարձի հաշվարկը կից ներկայացվում է ՝ աղ.2

Լ.Գասպարյան

Ընդամենը 2012-2014թթ. վճարվել է (4271463*90%) 3844317,0դրամ: 

Գ.Հարությունյան

 Ընդամենը 2012-2013թթ. վճարվել է (1447550*90%) 1302795.0դրամ:

Տնօրենի կողմից արձակված հրամանների՝ օրենսդրությանը համապատասխանության ուսումնասիրությամբ պարզվեց, որ ՀՀ Արմավիրի մարզպետի 01.12.11թ. N2 որոշմամբ Հայաստանի Հանրապետության Արմավիրի մարզի «Քեվօրք և Անիտա Փակումեանների հիշատակի «Հիսուսի մանուկներ» առողջության կենտրոն» ՓԲԸ-ի տնօրեն Գագիկ Հարությունյանը 2011թվականի դեկտեմբերի 5-ից մինչև 2012թվականի հունվարի 12-ը ներառյալ եղել է հերթական արձակուրդում և նույն որոշմամբ տնօրենի պարտականությունը վերապահվել է նույն ընկերության ընտանեկան բժիշկ Գ.Սահակյանին, սակայն լինելով հերթական արձակուրդում Գ. Հարությունյանի կողմից արձակվել են թվով 14 հրամաններ(թիվ1, թիվ2…, թիվ14), որոնք համարվում են անվավեր:

2012թվականի հունվարի 9-ին տնօրեն Գագիկ Հարությունյանի թիվ 5 հրամանով ստեղծվել է հանձնաժողով դատարկ և լիքը ետ վերադարձված թմրանյութերի սրվակների ոչնչացում իրականացնելու համար,թիվ 6 հրամանով(09.01.2012թ.) ստեղծվել է հանձնաժողով  ժամկետանց դեղորայքի դուրսգրման համար և թիվ 7հրամանով (09.01.2012թ.)  ընկերությունում ստեղծել նարկոտիկ դեղանյութերի նշանակման վերաբերյալ պոլիկլինիկային գործող հանձնաժողով, որոնք նույնպես անվավեր են, քանի որ մարզպետի վերոհիշյալ որոշումներով և ՀՀ աշխատանքային օրենսգրքի 95-րդ հոդվածի 3-րդ մասի 5-րդ կետի համաձայն նշված գործառույթները կարող էր իրականացնել  տվյալ ժամանակահատվածում միայն տնօրենին փոխարինող անձը: Նույն ձևով ՀՀ Արմավիրի մարզպետի 29.11.12թ. թիվ 1 որոշմամբ 2012թվականի նոյեմբերի 29-ից մինչև 2013 թվականի հունվարի 11-ը ներառյալ տնօրեն Գ.Հարությունյանը  եղել է հերթական արձակուրդում  և նույն որոշմամբ տնօրենի պարտականությունը վերապահվել է նույն ընկերության ընտանեկան բժիշկ Գ.Սահակյանին: Սակայն լինելով հերթական արձակուրդում տնօրեն Գ.Հարությունյանի կոմից արձակվել են՝2012 թվականին թվով 10 հրամաններ(թիվ 118Ա,….,թիվ 127Ա) և 2013 թվականին թվով 9 հրամաններ(թիվ1Ա,…,թիվ9Ա), որոնք համարվում են անվավեր: Այդ թվում 30.12.12թ. թիվ 126 Ա հրամանով համատեղությամբ աշխատող Լ.Գասպարյանը անորոշ ժամկետով աշխատանքի է ընդունվել և նրա հետ կնքվել է անորոշ ժամկետով աշխատանքային թիվ 4/1 պայմանագիրը: Նույն հիմքով անվավեր են նաև հերթական արձակուրդում եղած բոլոր մյուս հրամանները՝ արձակված Գ.Հարությունյանի կողմից: