«Ոտքի՛, Հայաստան» քաղաքացիական շարժումը հիշեցնում է, որ այսօրվանից բարձրացվող սակագնի սուբսիդավորման որոշում չկա
Երևանի ավագանու անդամ Դավիթ Սանասարյանը «Ոտքի՛, Հայաստան» քաղաքացիական շարժման խորհրդի անունից հայտարարություն է տարածել, որը ներկայացնում ենք ստորև:
«Հայրենակիցներ,
Օգոստոսի 1-ից իրավական ուժի մեջ է մտել էլեկտրաէներգիայի սակագնի բարձրացման որոշումը: Առ այսօր չի ընդունվել կառավարության որոշումը այդ բարձրացումը սուբսիդավորման մասին:
Ստեղծված իրավիճակում «Ոտքի՛, Հայաստան» քաղաքացիական շարժման խորհուրդը անհրաժեշտ է համարում առաջ քաշել հետևյալ պահանջները.
1. Հանրային ծառայությունները կարգավորող հանձնաժողովի հրաժարականը,
2. ՀԷՑ ՓԲԸ-ի ազգայնացումն ու հետագա հանրայնացումը:
Պահանջների քաղաքական և իրավական հիմնավորումները խորհուրդը կներկայացնի քաղաքացիներին օգոստոսի 3-ին, ժամը 19:00-ին Հանրապետության հրապարակում»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել