«Շամս» մարդասիրական ՀԿ նախագահ Ռուստամ Բաքոյանն ու «Միջէթնիկ և միջմշակութային համագործակցությունների կենտրոն» ՀԿ նախագահ Սաշիկ Սուլթանյանն արդեն երկրորդ օրն է, որ ՄԱԿ-ի երևանյան գրասենյակի դիմաց հացադուլ են անում:  

Հացադուլավորներն այսօր՝ ժամը 19:30-ին ՄԱԿ-ի գրասենյակի դիմաց հրավիրում են հանրային քննարկման «Եզդիների շարունակվող ցեղասպանությունը» թեմայով և մոմավառության՝ ի հիշատակ 1 տարի շարունակվող եզդիների ցեղասպանության անմեղ զոհերի: 

Հիշեցնենք, որ հաադուլավորները ՄԱԿ-ից պահանջում են ջանքեր գործադրել 1 տարի շարունակվող եզդիների ցեղասպանությանը վերջ տալու համար, ազատագրել «ԻՊ» ահաբեկիչների կողմից օկուպացված Սինջար/Շանգալ շրջանը, եզդիների անվտանգությունն ապահովելու համար շրջանում ստեղծել եզդիական ինքնավարություն, ազատել գերության մոտ գտնվող 4000 կանանց և երեխաներին: 

Նշենք, որ օգոստոսի 3-ին լրանում է Իրաքի հյուսիսում գտնվող եզդիաբնակ Շանգալում իրականացված և մինչ օրս շարունակվող եզդիների ցեղասպանության առաջին տարելիցը: