Երեքշաբթի, 25 սեպտեմբերի

Լարված իրավիճակ և ձերբակալություններ Սամցխե-Ջավախքի Տաբածղուր գյուղում



Սամցխե-Ջավախքի Տաբածղուր գյուղում իրավիճակը լարված է: Ինչպես «Հետքին» պատմեցին Տաբածղուրու բնակիչները, գիշերը ոստիկանները դարանակալել են Տաբածղուր լճի շրջակայքում, որպեսզի ձերբակալեն լճում ձուկ որսացող գյուղացիներին:

Այսօր առավոտյան ոստիկանները լճի մոտից 3 հոգու ձերբակալել են: Տաբածղուրու բնակիչները շղթայել են ճանապարհը և թույլ չեն տվել մեքենաներին տանել իրենց երիտասարդներին:  

Հենց նոր նրանց բաց թողեցին և ստիպում են ստորագրել ինչ-որ վրացերեն թղթեր: Գյուղացիները դեռևս ոչինչ չեն ստորագրում:

«Վարդան Այվազյանն ուղարկել է, որ մի քանիսին բռնեն, որ մարդիկ վախենան ու յան տան լճից: Ժողովուրդն էլ պատ է կազմել ու կանգնել է, չի թողնում, որ ոստիկանների մեքենաներն անցնեն»,-պատմեց գյուղացին:

Դեպքի վայրում են ոչ միայն ոստիկանական մեքենաները, այլ նաև բնապահպանության նախարարության ներկայացուցիչները: Գյուղ է ժամանել նաև շտապօգնության մեքենան, քանի որ գյուղացի կանանցից մեկը վատ է զգացել իրեն:

Հիշեցնենք, որ ՀՀ Ազգային ժողովի պատգամավոր Վարդան Այվազյանի համագյուղացիները՝ Սամցխե-Ջավախքի Բորժոմի շրջանի Տաբածղուր գյուղի բնակիչները, դատի են տվել պատգամավորի ընկերությանը: Նրանք պահանջում են անվավեր ճանաչել և դադարեցնել Տաբածղուր լճում ձկնորսությամբ զբաղվելու Վարդան Այվազյանի հիմնադրած «Լճեր» (შპს "ტბები" ) ընկերության արտոնագիրը և իրենց տրամադրել Տաբածղուր լձում ձուկ որսալու առաջնային իրավունքը:  Դատարանը վճիռ էր կայացրել Վարդան Այվազյանի օգտին, սակայն գյուղացիները շարունակում են պայքարը լճի համար: Այն, սակայն, հետզհետե լարվում է:

«Հետքը» օրերս այցելել էր Տաբածղուր, առաջիկայում մանրամասն կներկայացնենք գյուղում տիրող իրավիճակը:


Գլխավոր էջ

Տպել    |  In English


Տես նաև՝

ավելին



Մեկնաբանություններ (2)
1. nene13:22 - 11 օգոստոսի, 2015
Մի լավ դատաստան տեսեք դրա հետ ,գյուղացինե՛ր։Շատ շուտ է մոռացել իր՝ որտեղից դուրս գալը։
2. Արմենակ Եղիայեան02:53 - 13 օգոստոսի, 2015
Ինչպէ՞ս կրնայ հայանուն, այն ալ Ազգային ժողովի պատգամաւոր, մէկը այսքան ստորնանալ . իր ազգակիցները զրկել առօրեայ հացէ: Նման վարնոցներ ինչպէ՞ս կրցած են քուէ ստանալ ու ընկերային դիրք ապահովել, որպէսզի հիմա ալ ան ու իրաւազրկեն իրենց ժովողուրդի զաւակները:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ