Տեսանյութեր
Լուսանկարներ
Պաշտպանության նախարարությունը կազմավորում է հասարակական նոր խորհուրդ
ՀՀ պաշտպանության նախարարին առընթեր հասարակական խորհրդի լիազորությունների ժամկետը լրանալու կապակցությամբ ՀՀ պաշտպանության նախարարությունը նախաձեռնում է հաջորդ ժամկետի համար խորհրդի կազմավորման գործընթաց: Այս մասին տեղեկացնում է նախարարությունը:
Հասարակական խորհրդի կազմավորումն իրականացվում է կամավորության սկզբունքով՝ հասարակական կազմակերպությունների, միավորումների, քաղաքացիական նախաձեռնությունների կողմից խորհրդի անդամի թեկնածուների առաջադրման միջոցով:
Հասարակական խորհրդի անդամ կարող են լինել քսանհինգ տարին լրացած ՀՀ քաղաքացիները, ովքեր պաշտոններ չեն զբաղեցնում պետական կառավարման և տեղական ինքնակառավարման մարմիններում:
Հասարակական խորհրդի անդամի հայտը կազմված է հետևյալ փաստաթղթերից՝
- դիմում պաշտպանության նախարարին,
- ինքնակենսագրություն,
- բնութագիր-երաշխավորություն առաջադրող կազմակերպության կողմից,
- տեղեկանք առաջադրող կազմակերպության վերջին մեկ տարվա գործունեության մասին:
Հայտերն ընդունվում են ս.թ. սեպտեմբերի 1-ից մինչև հոկտեմբերի 1-ը: Հայտերը պետք է ուղարկել փոստով, ք. Երևան, Բագրևանդի 5 հասցեով՝ ծրարի վրա կատարելով «Հասարակական խորհրդի անդամի հայտ» նշումը:
Մեկնաբանել