Հունվարի 1-ից լեհական LOT ավիաընկերությունը կվերսկսի իրականացնել Վարշավա - Երևան - Վարշավա թռիչքները: Հունվարին LOT-ը կիրականացնի շաբաթական երեք չվերթ: Այս մասին տեղեկացնում է «Արմենիա» միջազգային օդանավակայաններ ՓԲԸ-ն: Օդանավը Վարշավայից կժամանի յուրաքանչյուր երկուշաբթի, չորեքշաբթի և ուրբաթ օրերին, Երևանից կմեկնի երեքշաբթի, հինգշաբթի և շաբաթ օրերին: Բանակցությունների ընթացքում պայմանավորվածություն է ձեռք բերվել ամառային ժամանակահատվածում չվերթերի հաճախականությունը ավելացնելու շուրջ:

«Արմենիա» միջազգային օդանավակայաններ ՓԲԸ-ն հիշեցնում է, որ չվերթերի վերակազմավորման պատճառով LOT-ը հուլիսի 1-ից դադարեցրել էր դեպի Երևան չվերթերը: