HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Առաջարկվում է 2016թ-ին գիտության ոլորտին 14,4 մլրդ դրամ հատկացնել

2016 թվականի բյուջեի նախագծով առաջարկվում է գիտության ոլորտին հատկացնել 14 մլրդ 400 մլն դրամ գումար: ԿԳՆ գիտության պետական կոմիտեի նախագահ Սամվել Հարությունյանը միջգերատեսչական աշխատանքային խորհրդակցության ժամանակ տեղեկացրել է, որ հիմնականում պահպանվել են նախորդ տարվա գիտական ծրագրերի գերակայությունները:

Կրթության և գիտության նախարարությունում 2016 թվականի պետական բյուջեի գիտական և գիտատեխնիկական գործունեության ծրագրով բյուջետային հայտի առաջարկի քննարկումը վարել է Արմեն Աշոտյանը, քննարկմանը մասնակցել են ԳԱԱ նախագահ Ռ. Մարտիրոսյանը, ԿԳՆ գիտության պետական կոմիտեի նախագահ Ս. Հարությունյանը, շահագրգիռ պետական գերատեսչությունների ներկայացուցիչներ:

2016 թվականի Գիտության ոլորտի հատկացումների աճը հիմնականում ուղղվելու է Եվրոպական Միության  Հորիզոն 2020  գիտական ծրագրի անդամակցության վճարի կատարմանը՝ ակնկալիքով, որ հետագայում Հորիզոն 2020-ի շրջանակում Հայաստանի գիտական համակարգը կընդգրկվի   դրամաշնորհային տարբեր ծրագրերում՝ ապահովելով ֆինանսական հոսքեր գիտության ոլորտում: 

Միջգերատեսչական հանձնաժողովը դրական եզրակացություն է տվել բյուջետային հայտին, որը  սահմանված կարգով կներկայացվի կառավարություն, որտեղ կընթանան հիմնական քննարկումները և հայտը, ստանալով  վերջնական տեսք կներկայցվի ԱԺ  քննարկմանը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter