HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

«Բաղրամյան» զորավարժարանում անցկացվող վարժանքներին հետևել է ՀԱՊԿ գլխավոր քարտուղարը

Սեպտեմբերի 30-ին մեկնարկած «Անխախտելի եղբայրություն-2015»  զորավարժության  ընթացքում անցկացված համատեղ վարժանքներին և ՀԱՊԿ հավաքական խաղաղապահ ուժերի  գործողություններին հոկտեմբերի 3-ին հետևել են ՀԱՊԿ գլխավոր քարտուղար Նիկոլայ Բորդյուժան, ՀՀ ԶՈՒ գլխավոր շտաբի պետ գեներալ-գնդապետ Յուրի Խաչատուրովը, ՀԱՊԿ քարտուղարության և ՀԱՊԿ Միացյալ շտաբի, Կարմիր խաչի միջազգային կոմիտեի ներկայացուցիչներ, ՄԱԿ-ի խաղաղապահ գործողությունների դեպարտամենտի ներկայացուցիչ Դենիս  Տիխոմիրովը:

Պաշտպանության նախարարությունը հայտնում է, որ ՀԱՊԿ հավաքական խաղաղապահ ուժերի համատեղ մարզումների ընթացքում անցկացվել են զինյալների ճամբարների մեկուսացման և չեզոքացման,  հակամարտող կողմերի տարանջատման և չեզոք գոտու ստեղծման, դիտակետերում պարեկային հերթապահության կազմակերպման, խաղաղապահ ռազմավարական կարողությունների զարգացման գործնական պարապմունքներ:

«Բաղրամյան» զորավարժարանում ՀԱՊԿ գլխավոր քարտուղար Նիկոլայ Բորդյուժան, ընդգծելով զորավարժությունների անցկացման կարևորությունը, նշել է. «Աշխարհի մի շարք «թեժ կետերում» իրավիճակն ակնհայտորեն լարված է, և անհրաժեշտ է խաղաղապահ ուժերի կիրառումը: ՀԱՊԿ հավաքական խաղաղապահ ուժերի գործնական հմտությունների զարգացումը միտված է հնարավոր խաղաղապահ գործողությունների նախապատրաստմանը: ՀԱՊԿ-ն պետք է մշտապես պատրաստ խաղաղապահ ուժերի կիրառմանը»: 

ՀԱՊԿ ՀԽՈՒ «Անխախտելի եղբայրություն-2015» զորավարժությունն անցկացվում է ՀԱՊԿ անդամ պետությունների պաշտպանության նախարարների խորհրդի և Ավտանգության խորհուրդների քարտուղարների կոմիտեի 2014թ. դեկտեմբերին ընդունված որոշման համաձայն:

Ընդհանուր առմամբ զորավարժությանը ներգրավված են ՀԱՊԿ անդամ պետությունների շուրջ 600 զինծառայողներ, ավելի քան 50 միավոր ռազմական տեխնիկա, ավիացիոն միջոցներ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter