Չորեքշաբթի, 26 սեպտեմբերի

Ջավախքցիների հավաք Մարզահամերգային համալիրում՝ հանուն «Այո»-ի



Մարզահամերգային համալիրում այսօր «Վիրահայերի միասնություն» կազմակերպությունը նախաձեռնել էր հավաք, ուր հրավիրվել էին նաև ջավախքցիներ: 

Հավաքի նպատակը առաջիկա սահմանադրական բարեփուխումների հանրաքվեի «քարոզն» էր: «Վիրահայերի միասնությունը» բոլոր ընտրություններին Հանրապետականների օգտին ձայներ է հավաքում ջավախքցիներից, որոնք կամ Երևանում են ապրում, կամ ՌԴ մեկնելու համար ՀՀ քաղաքացիություն են ստացել:

Համալիրում էր նաև ջավախքյան հեղինակություն համարվող ռուսաստանաբնակ Նորիկ Թևանյանը, ինչպես նաև Ջավախքում ղեկավար պաշտոնններ զբաղեցնող անձինք: 

«Վիրահայերի միասնությունը», հիշեցնենք, ներկայացնում է ՀՀ ԱԺ Հանրապետական խմբակցության պատգամավոր Տաճատ Վարդապետյանը:

Նոյեմբերի 27-ին մեկ այլ հավաք էլ նախատեսված է «Ջավախք» հայրենակցական միության կողմից, նորից նույն նպատակով՝ «մոբիլիզացնել» ջավախքցիներին հանուն «Այո»-ի: Հիշեցնենք՝ «Ջավախք» հայրենակցական միությունը ղեկավարում է Հանրապետական ցուցակով ընտրված մեկ այլ պատգամավոր՝ Շիրակ Թորոսյանը: 


Գլխավոր էջ



Մեկնաբանություններ (1)
1. Հայկ05:33 - 23 նոյեմբերի, 2015
Հայաստանի կերակրատաշտից օգտվող մի քանի սուտ Ջավախքեցիներ արատավորում են ողջ վիրահայությանը, վարկաբեկում, ստորացնում հայ ժողովրդի աչքում։ Մի թե պարզ չէ, թե ում են ծառայում այդ մանգլավիկները՝ Ոսկե Հորդայի հայկական ուլուսի ղեկավարներին։ մինչդեռ ինչպես ջավախքահայության այնպես էլ ողջ հայ ժողովրդի ապագան կապված է եվրոպական /քրիստոնեական/ քաղաքակրթության հետ, այլ ոչ թե Չինգիզ Խանի հետնորդների։ Նմանատիպ մարդուկներից մեկը Ջավախքում իր համագյուղացիներին զրկել է սեփական լճից օգտվելու հնարավորությունից։ Նման "գործիչների" ջանքերով իրականացվեց Ջավախքի լիակատար հայաթափման թուրքական ծրագիրը։ Այժմ Ջավախքում բնակվում է 90-ական թվականների բնակչության 30% -ից պակաս հայություն։ Մինչդեռ վիրահայության հիմնական խնդիրը պետք է լինի սաթար կանգնել վրաց ժողովրդին ու կառավարությանը դեպի եվրոպա ընթացող դժվար, բայց պատվաբեր ճանապարհին։ Դրանով իսկ օրինակ ծառայելով Հայաստանաբնակ հայությանը։ Նորից շահարկվում "վիրահայերի միություն" անհեթեթ բառակապակցությունը։ Նման կազմակերպության գոյության մասին ոչ մի վրացահայ տեղյակ չէ ։ Իսկ ինչու՞ չկա ադրբեջանահայերի, ուզբեկահայերի կամ մոնղոլահայերի, միություններ։ եթե լավ մտածեք աշխարհի հարյուրավոր երկրներում հայեր են ապրում , ինչքան միությունների նախագահների թափուր պաշտոններ կարելի ստեղծել, այնուհետև շահավետ նշանակումներ անել։
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Արխիվ