Լիլիթ Թադևոսյան

Այսօր ԱԺ արտահերթ նիստում քվերակության դրված ««ՀՀ վարչատարածքային բաժանման մասին» ՀՀ օրենքում փոփոխություններ և լրացումներ կատարելու մասին» և կից ներկայացված օրենքների նախագծերի փաթեթը երկրորդ ընթերցմամբ և ամբողջությամբ ընդունվեց՝ 68 կողմ, 16 դեմ և 15 ձեռնպահ ձայներով: Մինչև քվեարկությունը վարման կարգի վերաբերյալ ձայն խնդրեց ՀԱԿ խմբակցության ղեկավար Լևոն Զուրաբյանը, ով ասաց, որ ցանկանում է նորից արձանագրել և շեշտել, որ Սահմանադրության խախտումով այդպես էլ համայնքների հանրաքվեների արդյունքները չկցվեցին ներկայացված օրինագծին: «Իրականում ընդամենը մի քանի հոգու բաժանել են, չեն կցել գործին և, փաստորեն, սա հակասահմանադրական քվեարկություն է և հակասահմանադրական օրինագիծ: Խնդրում եմ բոլորին քվեարկել դեմ, թե չէ կդառնաք մասնակից այդ հակասահմանադրական գործունեության»,- եզրափակեց Զուրաբյանը:

Հիշեցնենք, որ այս տարվա մայիսին Լոռու, Սյունիքի և Տավուշի մարզերի 22 համայնքներում անցկացվել էր տեղական հանրաքվե՝ համայնքների խոշորացման վերաբերյալ: Համաձայն այդ հանրաքվեի արդյունքների՝ բացառությամբ Սյունիքի ու Լոռու մարզերի մի քանի գյուղերի, բոլոր բնակավայրերում համայնքների խոշորացմանը դեմ են արտահայտվել: