Գյուղատնտեսության նախարարությունը և Երևանի քաղաքապետարանը նոյեմբերի 28-29-ին մայրաքաղաքի Հյուսիսային պողոտայի տարածքում կկազմակերպեն գինու համտես-տոնավաճառ:

Այս մասին տեղեկացնում է գյուղատնտեսության նախարարությունը` նշելով, որ միջոցառման նպատակն է խթանել հայրենական արտադրանքի ճանաչումը, գինու օգտագործման մշակույթի տարածումը, տուրիզմի զարգացումը, ինչպես նաև ներկայացնել հայկական գինեգործության լավագույն ավանդույթները: 

Միջոցառմանը կմասնակցի մոտ 20 ընկերություն, որոնցից յուրաքանչյուրը կներկայացնի իր լավագույն արտադրանքը: Տոնավաճառը կգործի ժամը 11:00-ից մինչև 21։00-ը: