Առաքել Մովսիսյանը խախտել է ԱԺ կանոնակարգը. Էթիկայի հանձնաժողով
Լիլիթ Թադևոսյան
Քիչ առաջ ավարտվեց ԱԺ էթիկայի հանձնաժողովի նիստը, որտեղ քննարկվում էր ԱԺ ՀՀԿ-ական պատգամավոր Առաքել Մովսիսյանի (Շմայս) դեմ ուղղված հայցը: Նիստից հետո լրագրողների հետ զրույցում ԱԺ էթիկայի հանձնաժողովի նախագահ Վահան Բաբայանն ասաց, որ այսօրվա նիստում միաձայն որոշում է կայացվել Առաքել Մովսիսյանի՝ ԱԺ կանոնակարգի 6.1 հոդվածի «Է» կետը խախտելու վերաբերյալ, որը սահմանում է պատգամավորին ոչ վայել պահվածքը:
Վահան Բաբայանը նշեց նաև, որ այս որոշումը կհրապարակվի ԱԺ առաջիկա նիստում: Հիշեցնենք, որ Առաքել Մովսիսյանը սպառնացել էր բռնաբարել նրանց, ովքեր որևէ կերպ կվիրավորեն ՀՀ պաշտպանության նախարար Սեյրան Օհանյանին ու նրա ընտանիքի անդամներին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել