Բերման է ենթարկվել քաղաքացիական ակտիվիստ Արտակ Գևորգյանը
Մոտ մեկ ժամ առաջ Կողբացի փողոցից բերման է ենթարկվել քաղաքացիական ակտիվիստ Արտակ Գևորգյանը: Այս մասին «Հետք»-ին հայտնում է դեպքի ականատես Վահագն Գևորգյանը: Վահագնի խոսքով` բերման ենթարկողները քաղաքացիական հագուստով էին, նրանցից մեկը ցույց է տվել վկայական, ներկայացել որպես ոստիկանության Կենտրոնի բաժնի պետի տեղակալ և ասել, որ Արտակին բերման են ենթարկում որպես կասկածյալ, բայց չի մանրամասնել թե ինչ գործով:
Ոստիկանության տեղեկատվության և հասարակայնության հետ կապերի վարչության աշխատակից Արմեն Մալխասյանը «Հետքի» հետ զրույցում նշեց, որ Արտակ Գևորգյանը բերման է ենթարկվել ոստիկանության Կենտրոնի բաժին` ուրիշի գույքը դիտավորյալ վնասելու կասկածանքով:
Լուսանկարը` Արտակ Գևորգյանի ֆեյսբուքյան էջից
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել