HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Բավրա-Նինոծմինդա սահմանն արդեն անցանելի է

Հայ-վրացական սահմանի Բավրա-Նինոծմինդա անցակետն արդեն բացվել է։ Մեքենաները երկկողմանի երթուղով կարողանում են տեղաշարժվել։

Հիշեցնենք՝ երեկ երեկոյան վրացի սահմանապահները փակել էին անցակետը և թույլ չէին տալիս Հայաստանից գնացող մեքենաների մուտքը Վրաստան: Պարեկայինները չէին թույլատրում նաև Ջավախքից Հայաստան ուղևորվող մեքենաների շարժը դեպի անցակետ։ Ավելի քան 50 մեքենա հավաքվել է նաև Նինոծմինդա քաղաքի մոտակայքում։

Երևան-Ջավախք-Երևան երթուղին սպասարկող վարորդներից մեկը «Հետքին» պատմել էր, որ անցակետի սահմանափակումները կապված են եղանակային պայմանների հետ, քանզի  Գորելովկա-Նինոծմինդա հատվածում քամու և բքի պատճառով ձյան մեջ մեքենաներ են արգելափակվում։

Վրացական լրատվամիջոցները տեղեկացնում են, որ Վրաստանի տարածքային զարգացման և ինֆրաստրուկտուրաների նախարարության ավտոճանապարհների դեպարտամենտը որոշել է այսօրվանից սահմանափակումներ մտցրել Ախալցխա-Նինոծմինդա ճանապարհի 90-112-րդ կիլոմետրի հատվածում, որը տանում է դեպի վրաց-հայկական սահման։ 

Ձնաբքի պատճառով հունվարի 4-ից փակ է նաև ռուս-վրացական Լարսի անցակետը։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter