«Եթե Ֆիրդուսը չքանդեն էլ, ինքն իրեն կքանդվի»
40-ամյա Ալեքսան Վանյանը դերձակ է, սակայն վաղուց է հրաժեշտ տվել մասնագիտությանը: Արդեն 19 տարի է, ինչ տնտեսական իրեր է վաճառում Երեւանի «Ֆիրդուսի» շուկայում:
Ասում է, որ տարիներ առաջ գործն ավելի լավ էր, ավելի շատ մարդիկ էին գնումներ անում.
«Կիսով չափ նվազելա գործը, եթե, օրինակ, էն ժամանակ 10 000 էի աշխատում, հիմա՝ 5000»:
«Եթե Ֆիրդուսը չքանդեն էլ, ինքն իրեն կքանդվի. գործ չկա»,- ասում է Ալեքսանը: Նա եւ մնացած առեւտրականներն անորոշ վիճակում են, հստակ չգիտեն, թե երբ են քանդելու շուկան, ու ինչ են անելու իրենք:
Հիշեցնենք, որ ՀՀ քաղաքաշինության նախարար Նարեկ Սարգսյանը 2015 թվականին ներկայացրել է շուկայի տարածքում ժամանակակից ճարտարապետական շինությունների՝ հյուրանոցներից, ժամանցի վայրերից և բնակելի շենքերից բաղկացած ծրագիրը:
Կառուցապատման ծրագիրը նախատեսվում է իրականացնել 3-4 տարում:
Հերմինե Վիրաբյան , ԵՊՀ Ժուռնալիստիկայի ֆակուլտետ, 4-րդ կուրս
Մեկնաբանել