Շաբաթ, 22 սեպտեմբերի

Վարույթ է ընդունվել հանրաքվեի տեղամասում վստահված անձի լիազորությունները խոչընդոտելու դեպքով հարուցված քրեական գործը



ՀՀ ԱԺ «Ժառանգություն» խմբակցության վստահված անձ Դանիել Ի.-ն հայտնել է, որ ՀՀ Սահմանադրության փոփոխությունների հանրաքվեի օրը՝ 2015 թվականի դեկտեմբերի 6-ին թիվ 8/28 տեղամասի մոտ անհայտ անձինք քաշքշել են իրեն, իսկ նույն օրը՝ ժամը 22:20-ին, թիվ 8/29 տեղամասում ոստիկանության ծառայողը իրեն և լրագրողին թույլ չի տվել մուտք գործել տեղամաս:

Բացի այդ, Դանիել Ի.-ն հայտնել է, որ ՀՀ Սահմանադրության փոփոխությունների հանրաքվեի օրը՝ 2015 թվականի դեկտեմբերի 6-ին՝ երեկոյան, թիվ 91 դպրոցում տեղակայված 8/27 և 8/28 տեղամասերի հանձնաժողովի նախագահները խոչընդոտել են իր լիազորությունների իրականացմանը և բռնություն են գործադրել իր նկատմամբ:
ՀՀ քրեական օրենսգրքի 149-րդ հոդվածի 1-ին մասի հատկանիշներով հարուցված քրեական գործն ընդունվել է ՀՀ հատուկ քննչական ծառայության վարույթ:

Կատարվում է նախաքննություն:

Տեղեկացնում ենք նաև, որ ՀՀ հատուկ քննչական ծառայությունում հանրաքվեի գործընթացների հետ կապված խախտումների փաստերով 2016 թվականի փետրվարի 8-ի դրությամբ քննվել են 29 քրեական գործեր, որոնցից 2-ը մեղադրական եզրակացությամբ ուղարկվել է դատարան, 4 քրեական գործ հանցակազմի բացակայության հիմքով կարճվել է, 1 քրեական գործ կասեցվել է, իսկ 22 քրեական գործերի նախաքննությունը շարունակվում է: Այս մասին տեղեկացնում է ՀՔԾ-ն: 


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ