Հայկական լոլիկի հետ վերադարձման մասին լուրը հերքվում է
Ռուսաստանի Դաշնության անասնաբուժության և բուսասանիտարիայի հսկողության դաշնային ծառայության Կրասնոդարի երկրամասի և Ադիգեյայի Հանրապետության տարածքային կառույցը երեկ տեղեկություն է տարածել, որ արգելվել է Հայաստանից 22 տոննա լոլիկի ներմուծումը և խմբաքանակը հետ է վերադարձրել՝ պայմանավորված լոլիկի մեջ կարանտին վնասատուի՝ հարավամերիկայն ցեցի հայտնաբերմամբ:
Այս մասին հիշեցնում է Սննդամթերքի անվտանգության պետական ծառայությունը` ավելացնելով, որ
լուրը տարածվեց նաև հայկական լրատվամիջոցներում, թեև հայկական կողմը լոլիկի խմբաքանակի վերադարձման դեպք չէր արձանագրել:
ՍԱՊԾ հերքում է այս տեղեկատվությունը` մեջբերելով ավելի ուշ ՌԴ անասնաբուժության և բուսասանիտարիայի հսկողության դաշնային ծառայության` իր պաշտոնական կայքում նույն տեղեկատվության հերքումը, որում նշված է, որ կասկածներ կան լոլիկի նշված խմբաքանակն այլ երկրից ուղարկված լինելու մասին:
ՍԱՊԾ-ն տեղեկացնում է, որ ներկա պահին իրականացվում է փաստաթղթերի հավաստիության ստուգում:
Մեկնաբանել