Շնողի համայնքապետի համոզմունքը սխալ է. անտառահատումների լուսանկարները 2016 թ.-ին են արվել
Շնողի համայնքապետ Հովիկ Սահակյանը արձագանքել էր «Հետքում» հրապարակված Համահայկական բնապահպանական ճակատի («ՀԲՃ») պատրաստած «Ինչ է կատարվում Շնողի անտառներում» նյութին, որտեղ նշում էր, թե հրապարակման հավաստիությունն ընդգծող լուսանկարներն արվել են ոչ թե վերջերս, այլ դեռևս 2015թ փետրվարի վերջին:
«Հետք»-ը խնդրեց «ՀԲՃ»-ին տրամադրել այդ լուսանկարների օրիգինալ տարբերակները: Picmeta.com կայքի ծրագրի օգնությամբ հեշտությամբ կարելի է ստուգել ցանկացած լուսանկարի վաղեմությունը վայրկյանների ճշտությամբ: Picmeta.com-ը, փաստորեն, հերքեց Շնողի համայնքապետի համոզմունքը: Նշենք նաև, որ բացի «Անտառների հասարակական մոնիտորինգ»-ի կամավորներից այդ օրը` 2016 թ.-ի փետրվարի 6-ին, Շնողի անտառում էր նաև «Հետք»-ի ֆոտոլրագրող Նարեկ Ալեքսանյանը, ով նույնպես իր ռեպորտաժում ֆիքսել էր զանգվածային անտառահատումները Շնողի անտառում: Ստորև ներկայացնում ենք «Անտառների հասարակական մոնիտորինգ»-ի և «Հետք»-ի լուսանկարների վաղեմությունը հստակեցնող փաստերը:
«Հետք»-ի լուսանկարը
«Անտառների հասարակական մոնիտորինգ»-ի լուսանկարը
Մեկնաբանություններ (2)
Մեկնաբանել