HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ընտրատեղամասերում խոշորացույցների բացակայությունը ձեռնտու էր որոշ թեկնածուների

Այսօր տեղեկացրել էինք, որ Շինուհայր, Տանձատափ, Տաթև գյուղերի ընտրատեղամասում, որտեղ ՏԻՄ ընտրություններ են, տեսողական խնդիրներ ունեցող անձանց համար նախատեսված խոշորացույցները բացակայում են: Այդ պատճառով մեծահասկաների փոխարեն նրանց թոռները, օգնողներն էին քվեարկում:

Սյունիքի մարզի թիվ 37 ընտրատարածքային ընտրական հանձնաժողովի նախագահ Արմեն Ստեփանյանը մեկնաբանեց, որ ընտրատեղամասերին խոշորացույցներն ու Բրայլի այբուբենը իրենք չեն հատկացնում, և քանի որ դրանք շատ թանկ հաճույք են, տրամադրվում են միայն համապետական ընտրությունների ժամանակ: «Ճիշտ է, համաձայն եմ, այս ընտրությանը կարելի էր տրամադրել, պարզապես բաց է թողնվել այդ խնդիրը»,- նշեց Ստեփանյանը:

Հաշվի առնելով այն հանգամանքը, որ դեկտեմբերի 6-ի հանրաքվեի ընթացքում դրանք եղել են և այս պահին նորը գնելու կարիք չկար, Ստեփանյանը նշում է, որ չէին մտածել, որ այսպիսի խնդիր կարող է առաջանա: Այլ ընտրություններում դրանք եղել են և հաշվի չեն առել, որ դրանց բացակայության ժամանակ նման իրավիճակ կլինի:

«Ի տարբերություն ՏԻՄ ընտրությունների, համապետական ընտրությունների ժամանակ մեծահասակների քվեարկությունը համեմատաբար ցածր է լինում»,- նշում է Ստեփանյանը:

Ստեփանյանը հավելում է, որ Կենտրոնական ընտրական հանձնաժողովից արդեն չէին կարող դրանք ստանալ՝ ժամանակը սուղ էր:

Ծանոթ լինելով քվեարկության ընթացքին՝ Ստեփանյանն ասում է, որ Սյունիքի ընտրատեղամասերում խախտումներ չեն գրանցվել: Ասում է՝ եղել են որոշ միջադեպեր, որոնք ընտրությունների ընթացքի վրա չեն ազդել:

Հարցին՝ խոշորացույցների բացակայությունը արդյո՞ք թեկնածուներից ոմանց ձեռնտու էր՝ քվեարկողների տրամադրվածությունը ստուգելու համար, Ստեփանյանը պատասխանում է՝ այո: 

Դիանա Ղազարյան

ԵՊՀ ժուռնալիստիկայի ֆակուլտետի 4-րդ կուրս

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter