HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Ազգային ժողովի արվեստասերը. 10 նկար՝ 90 մլն դրամ

Ազգային ժողովի ԲՀԿ խմբակցության պատգամավոր Գուրգեն Արսենյանը խորհրդարանում այս կամ այն հարցի քննարկման ժամանակ հաճախ է խոսում «հարուստների անունից»: Իհարկե, դրա հիմքերն ունի, քանի որ նա էլ մեծահարուստներից մեկն է:

Դժվար է հավատալ, որ Հայաստանում բոլոր պաշտոնյաները, այդ թվում՝ պատգամավորները, հայտարարագրում են իրենց ամբողջ ունեցվածքը, սակայն եղածն էլ բավական է ասելու, որ Գուրգեն Արսենյանը խորհրդարանի մեծահարուստ պատգամավորներից է:

Պատգամավորի վրա չի ազդում ոչ մի ճգնաժամ, իսկ եկամուտներն էական ցնցումների չեն ենթարկվում: Պատգամավորի եկամուտներն այնքան կայուն են, որ 2015թ. միայն 90 մլն դրամի 10 հատ նկար է գնել: Ընդ որում, նա խորհրդարանի միակ պատգամավորն է, ով նշված տարում թանկարժեք նկարներ է գնել:

2015թ-ին Գուրգեն Արսենյանի եկամուտները կազմել են 1 միլիարդ 831 մլն 448 հազար դրամ, որից միայն մոտ 6 մլն դրամն է նրա պատգամավորական աշխատավարձը: Մնացածը Գ. Արսենյանը ստացել է տարբեր շահաբաժիններից, վարձակալության դիմաց ստացված վճարներից ու տրված փոխառությունների դիմաց ստացված տոկոսներից: Համեմատության համար նշենք, որ 2014թ. պատգամավորի եկամուտը կազմել է 2 միլիարդ 335 մլն 464 հազար դրամ:

Ինչ վերանբերում է դրամական միջոցներին, ապա այստեղ էլ Գուրգեն Արսենյանը «ստվերում» չի մնացել: Օրինակ՝ 2015թ-ին նրա հաշվին եղել է 24 մլն 525 հազար դրամ, 1 մլն 351 հազար 751 դոլար և 23 հազար 276 եվրո:

Նշենք, որ Գուրգեն Արսենյանը մի շարք առևտրային ընկերություններում բաժնետեր է, այդտեղից էլ գոյանում է նրա որոշ շահաբաժինները:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter