Երեքշաբթի, 18 սեպտեմբերի

Հանրային խորհրդի դիրքորոշումը ցորենի ալյուրի պարտադիր հարստացման ծրագրի վերաբերյալ



Հանրային խորհուրդը ԶԼՄ-ների համար տարածել է հաղորդագրություն, որում իր դիրքորոշումն է հայտնել ցորենի ալյուրի պարտադիր հարստացման ծրագրի վերաբերյալ: Ստորեւ՝ ՀԽ հաղորդագրությունն ամբողջությամբ:
 
«Ցորենի ալյուրի պարտադիր հարստացման հարցի վերաբերյալ Հանրային խորհուրդը բազմաթիվ քննարկումներ է անցկացրել ինչպես շահագրգիռ կողմերի և մասնագետների հետ, այնպես էլ ՀԽ փոքր խորհրդի նիստերի ընթացքում: Հաշվի առնելով, որ հարցի լուծման հիմնական բաղկացուցիչ մասն է կազմում գիտական կողմը, Հանրային խորհուրդը դիմել է նաև ՀՀ Գիտությունների ազգային ակադեմիա, որպեսզի ակադեմիայի գիտական կենտրոններում ևս հարցը քննարկվի և ներկայացվի դիրքորոշում
 
Հանրային քննարկումներից և բազմաթիվ կարծիքներ լսելուց հետո հարցի վերաբերյալ ձևավորվել է ՀԽ ընդհանուր եզրակացությունը.
 
1. Նպատակահարմար և հիմնավորված չէ ծրագրի իրականացման  մեթոդը, որով բնակչության թիրախային խմբի առողջական խնդիրն առաջարկվում է լուծել ողջ բնակչության ներգրավման միջոցով: Մինչդեռ բնակչության որոշակի շերտի համար դա կարող է վնասակար լինել, քանի որ կան իրար հակասող գիտական հետազոտություններ և կարծիքներ: Ամբողջ ծավալով հետազոտված չեն նաև տարածաշրջանի տեղային առանձնահատկությունները:
 
2. Չկա որեւէ լուրջ հետազոտություն չափաբաժնի վերաբերյալ, ըստ որի տվյալ չափաբաժինը արդյունավետ կլինի հասարակության այն շերտի համար, որը դրա կարիքն ունի, բայց միաժամանակ չի վնասի մյուսներին: Անհասկանալի է, թե ինչպես պետք է որոշվի չափաբաժինը, երբ կա բնակչության մի շերտ, որը գրեթե հաց չի օգտագործում (դիետիկ կամ այլ նպատակներով), իսկ բնակչության մի շերտի համար էլ հացը հիմնական սնունդն է:
Անորոշ են նաև չափաբաժնի վերահսկման մեխանիզմները:
 
3. ՀՀ առողջապահության նախարարությունը փորձում է իրականացնել ծրագիրը` շատ անգամ առաջ մղելով այն միտքը, որ սա մասնագիտական հարց է, և հասարակությունն ունակ չէ ընկալելու, մինչդեռ հայտնի է, որ աշխարհի տարբեր երկրներում այս հարցի վերաբերյալ կան հստակ տարակարծություններ: Վերջիվերջո, եթե անգամ ծրագիրն օգտակար է ու ճիշտ, ապա նպատակահարմար չէ այն իրականացնել բնակչության մեծ մասի կողմից բացասական կարծիքի պայմաններում: Անհրաժեշտ է նախ հասարակությանը հիմնավոր փաստարկներով համոզել, որ ծրագիրն արդյունավետ է ու վտանգներ չի պարունակում, ապա նոր իրականացնել այն:
 
Հաշվի առնելով այս մտահոգություններըՀանրային խորհուրդը գտնում էոր նպատակահարմար է.
 
ա) ծրագրի իրականացումը հետաձգել, մինչև լուրջ գիտական փորձաքննություններ ու հետազոտություններ անցկացվեն:
 
բ) այնուամենայնիվ բուժիչ նպատակներով արտադրել որոշ քանակությամբ հարստացված ալյուրով հացամթերք` փաթեթավորման մեջ հատուկ պիտակի առկայությամբ, և համապատասխան բացատրական աշխատանք կատարել, որպեսզի թիրախային  խմբերի կողմից այն կիրառվի»:

Գլխավոր էջ


Տես նաև՝

ավելին



Մեկնաբանություններ (2)
1. Վեհարի13:15 - 11 մարտի, 2016
Ինչպես կարելի է ասել թե Ազգի ոչնչացման ծրագրի իրականացումը հետաձգել, մինչև լուրջ գիտական փորձաքննություններ ու հետազոտություններ անցկացվեն: Ինչ է մինչ օրս չգիտե՞ք թե մեր և այլ երկրներում հիմնականում ովքեր են զբաղվում այսպես կոչված գիտական փորձաքննություններով:
2. Hakob Margaryan13:19 - 15 մարտի, 2016
Որախալի է, որ Հայաստանում դեռեվս մնացել են, իրականությունը սթափ գնահատող օտարների գրանտներին Չ'ծախված, հայրենանվեր սկզբունքային մասնագետ գիտակներ... Մի խելացի մարդ ասել է, որ - " Կարելի է բոլոր ժամանակ ժողովրդի մի մասին հիմարացնել: Հնարավոր է նաեվ կարճ ժամանակում հիմարացնել շատ մարդկանց, սակայն ԱՆՀՆԱՐ Է երկար ժամանակով հիմարացնելով, շարքից հանել մի ամբողջ ժողովրդի"-...
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ