Երկուշաբթի, 24 սեպտեմբերի

Սերգեյ Կարյակինը դարձավ հավակնորդ. նա աշնանը թագը կվիճարկի Մագնուս Կառլսենի հետ



Ռուսաստանի ներկայացուցիչ Սերգեյ Կարյակինը քիչ առաջ սպիտակներով առավելության հասավ ամերիկահպատակ իտալացի Ֆաբիանո Կարուանայի հանդեպ ու հաղթող ճանաչվեց Մոսկվայի հավակնորդների մրցաշարում: Նշենք, որ Կարյակինին բավարար էր ոչ-ոքին, քանի որ այդ դեպքում նա եւ Կարուանան վաստակելու էին 8-ական միավոր, սակայն լրացուցիչ ցուցանիշներով հաղթող էր դառնալու կրկին Կարյակինը: 

Կարյակինը 14 տուրում տարավ 4 հաղթանակ, կրեց 1 պարտություն, 9 ոչ-ոքի խաղաց՝ վաստակելով 8,5 միավոր: Հատկանշական է, որ ՌԴ ներկայացուցիչներ Սերգեյ Կարյակինն ու Պյոտր Սվիդլերը ամենացածր վարկանիշներն ունեին մրցաշարում՝ 2760 եւ 2757 համապատասխանաբար: Այսպիսով՝ Կարյակինը նոյեմբերի 11-30-ը Նյու Յորքում կմրցի աշխարհի գործող չեմպիոն Մագնուս Կառլսենի հետ: Հիշեցնենք, որ անցյալ տարի Կարյակինը նվաճեց աշխարհի գավաթը՝ եզրափակչում հաղթելով Սվիդլերին: Այդ հաղթանակի շնորհիվ նա դարձավ հավակնորդների մրցաշարի մասնակից:

Հավակնորդների մրցաշարում երկրորդ-երրորդ տեղերը կիսեցին Կարուանան եւ Վիշի Անանդը: Վերջինս այսօր սեւերով ոչ-ոքի խաղաց Պյոտր Սվիդլերի հետ ու Կարուանայի պես վաստակեց 7,5 միավոր: 4-7-րդ տեղերը բաժանեցին Պյոտր Սվիդլերը, Լեւոն Արոնյանը, Անիշ Գիրին, Հիկարու Նակամուրան, որոնք վաստակեցին 7-ական միավոր: 4,5 միավորով 8-րդը Վեսելին Տոպալովն էր (այսօր ոչ-ոքի ավարտվեց նաեւ Տոպալով-Գիրի պարտիան):  


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ