Կոլեգիայի հերթական նիստը նվիրված է եղել սպառազինության շահագործման և տեխնիկական ապահովման հարցերին
Ապրիլի 30-ին տեղի է ունեցել պաշտպանության նախարարին կից կոլեգիայի նիստ` նվիրված զինված ուժերում սպառազինության և ռազմական տեխնիկայի շահագործման կազմակերպման, զորքերի մարտական կիրառման նախապատրաստման և տեխնիկական ապահովման հարցերին: Այս մասին հայտնում է Պաշտպանության նախարարությունը։
Հաղորդագրության համաձայն՝ նախարար Սեյրան Օհանյանը կարևորել է սպառազինության և ռազմական տեխնիկայի համալրման ծրագրերի անընդհատությունը` որպես ԶՈՒ մարտունակության բարձրացման նախադրյալ: Նա նշել է նաև, որ կարևոր է «առանձնակի ուշադրություն դարձնել անձնակազմի պատրաստության, զորքերի տեխնիկական ապահովման և սպառազինության ու ռազմական տեխնիկայի ճիշտ շահագործման հարցերին»:
Կոլեգիայի նիստի ժամանակ նշվել է, որ զինված ուժերում սպառազինության և ռազմական տեխնիկայի օգտագործումը կազմակերպվում և իրականացվում է տարեկան շահագործման պլանների, պաշտպանության նախարարի և ԶՈՒ ԳՇ պետի հրամանների պահանջներին համապատասխան:
Սեյրան Օհանյանը մի շարք հանձնարարականներ է տվել ոլորտի պատասխանատուներին:
Մեկնաբանել