HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սառա Պետրոսյան

Գառնեցիները փակել են ճանապարհը, նրանք հրաժարվում են պաշտոնյաների հետ առանձին հանդիպումներից

Այսօր Ազատ գետից ջրի տեղափոխման դեմ պայքարող գառնեցիները նորից հավաքվել էին գյուղի մշակույթի տան մոտ: Ժամը 14:30-ի սահմաններում ՀՀ ԳՆ ջրային տնտեսության պետական կոմիտեի նախագահ Արամ Հարությունյանը, Կոտայքի մարզպետ Կարապետ Գուլոյանը և այլ աշխատակիցներ ժամանել են Գառնի: Սակայն պաշտոնյաները մշակույթի տան մոտ հավաքված գյուղացիներին թողել են դրսում և մտել մշակույթի տուն: Հրահանգել են, որպեսզի ժողովուրդը կամ մի քանի գյուղացիներ ներս մտնեն իրենց հետ հանդիպման համար, սակայն գյուղացիները հրաժարվել են մտնել և ասել են, որ եթե ասելիք ունեն, իրենք դրսում են, թող գան և բոլորի մոտ իրենց ասելիքն ասեն: Սակայն պաշտոնյաները դուրս չեն եկել, այլ փորձել են իրենց թիկնապահների օգնությամբ պարտադրել մարդկանց ներս մտնել մշակույթի տուն: Թիկնապահների և գյուղացիների միջև քաշքշուկ է տեղի ունեցել: 

Գառնեցիները, սակայն, դուռը փակել են և հրաժարվել են ներս մտնել: Թիկնապահները կոնֆլիկտի մեջ են մտել գյուղացիների հետ: Ժողովուրդը, տեսնելով, որ այլ տարբերակ չկա, որոշել է թողնել «հյուրերին» մշակույթի տանը և փակել Գառնի-Երևան ճանապարհը: Այս պահին ճանապարհը փակ է,գյուղացիները պահանջում են, որպեսզի պաշտոնյաները հեռանալ գյուղից, քանի որ իրենք չեն պատրաստվում թույլ տալ Ազատ գետից ջրի տեղափոխումը:

Մանրամասները՝ ավելի ուշ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter