Հայաստան կայցելի Բուլղարիայի արտաքին գործերի նախարարը
Հունիսի 27-28-ը, արտաքին գործերի նախարար Էդվարդ Նալբանդյանի հրավերով, Հայաստան պաշտոնական այց կկատարի Բուլղարիայի արտաքին գործերի նախարար Դանիել Միտովը:
Բուլղարիայի արտգործնախարարին կընդունի նախագահ Սերժ Սարգսյանը։ Նախատեսված է հանդիպում նաև Ազգային ժողովի ղեկավարի Գալուստ Սահակյանի հետ: Այս մասին տեղեկացնում է արտաքին գործերի նախարարությունը:
Հունիսի 27-ին կկայանան Հայաստանի և Բուլղարիայի արտաքին գործերի նախարարների բանակցությունները, որից հետո Էդվարդ Նալբանդյանն ու Դանիել Միտովը հանդես կգան համատեղ մամուլի ասուլիսով։
Հունիսի 27-ին Բուլղարիայի արտգործնախարարը կայցելի Ծիծեռնակաբերդ: Նախատեսված է շրջայց Ցեղասպանության թանգարան-ինստիտուտում և ծաղկեպսակի զետեղման արարողություն:
Լուսանկարը` www.reuters.com
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել