HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Հերգնյան

Միջին աշխատավարձը հունվար-մայիս ամիսներին՝ 184 հազար դրամ. ԱՎԾ

Ըստ պաշտոնական տվյալների՝ Հայաստանում այս տարվա հունվար-մայիսին արձանագրված միջին ամսական անվանական աշխատավարձը կազմում է մոտ 184 հազար ՀՀ դրամ։ Այս մասին հայտնում է ՀՀ ազգային վիճակագրական ծառայությունը (ՀՀ ԱՎԾ)։

Ընդ որում՝ պետական հատվածի աշխատողների միջին աշխատավարձը կազմել է մոտ 158 հազար ՀՀ դրամ, իսկ մասնավոր հատվածինը՝ 220 հազար դրամ:

2015 թվականի հունվար-մայիսի համեմատ միջին աշխատավարձն, ըստ ԱՎԾ տվյալների, 3,5%-ով բարձրացել է։ Մասնավորապես, պետական հատվածի աշխատողների վարձատրության փոփոխություն գրեթե չի գրանցվել (0,1% նվազում), իսկ մասնավոր հատվածի դեպքում 6,9% աճ է արձանագրվել։

Միջին ամսական անվանական աշխատավարձը հաշվարկվում է աշխատանքի վարձատրության և դրան հավասարեցված այլ վճարումների ընդհանուր գումարի (ինչպես դրամական, այնպես էլ բնաիրային տեսքով) և աշխատավարձի հաշվարկման համար կիրառվող աշխատողների միջին ամսական թվաքանակին հարաբերությամբ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter