Նվազագույնը 36 զոհ և ավելի քան 140 վիրավոր. Ստամբուլի օդանավակայանի պայթյունի վերջին տվյալները
Ստամբուլի Աթաթուրքի անվան միջազգային օդանավակայանում հունիսի 28-ի ուշ երեկոյան տեղի ունեցած պայթյունների ու հրաձգության հետեւանքով կա նվազագույնը 36 զոհ և ավելի քան 140 վիրավոր: Այս մասին հայտնում է BCC-ն` հղում անելով պաշտոնական աղբյուրներին:
Համաձայն Թուրքիայի վարչապետի հաղորդած նախնական պաշտոնական տեղեկատվության` հարձակման հետևում Իսլամական պետությունն է: BBC-ի` Թուրքիայում աշխատող թղթակիցը հաղորդել է, որ Աթաթուրքի անվան միջազգային օդանավակայանն իրականում խոցելի թիրախ է դիտվել երկար ժամանակ: Օդանավակայանի մուտքի մոտ թեև տեղադրված են X-Ray սարքավորումներ, որոնք ստուգում են ուղեբեռները, սակայն անվտանգության ստուգումները մեքենաների համար սահմանափակ են եղել:
Հիշեցնենք, որ ավելի վաղ լրատվամիջոցները հաղորդել էին, որ Ստամբուլի Աթաթուրքի անվան միջազգային օդանավակայանի ավտոկանգառում պայթյունների ու հրաձգության հետեւանքով սպանվածների թիվը 28-ի է հասել:
Լուսանկարը` Reuters-ի
Մեկնաբանել