Այս տարվա մայիսի վերջի դրությամբ ՀՀ համախառն միջազգային պահուստները կազմել են մոտ 1,532 մլրդ ԱՄՆ դոլար։ Ապրիլ ամսվա համեմատ այս ցուցանիշը նվազել է 36 մլն դոլարով կամ 2,3%-ով։ Այս մասին են վկայում ՀՀ կենտրոնական բանկի (ՀՀ ԿԲ) տվյալները։

Ազատ փոխարկելի արժույթով արտաքին ակտիվները պահուստներում մայիսին կազմել են մոտ 1,52 մլրդ դոլար։ Հայաստանի միջազգային պահուստներում ոսկի չկա։ Միջազգային պահուստների գլխավոր նպատակներից է պետական պարտքի սպասարկումը:

ՀՀ ազգային վիճակագրական ծառայությունից տեղեկանում ենք, որ մայիսի վերջի դրությամբ ՀՀ պետական պարտքը կազմել է 5,27 մլրդ դոլար, որից 4,432 մլրդ դոլարը արտաքին պարտքն է։ Ապրիլի համեմատ ընդհանուր պարտքն աճել է 18,4 մլն դոլարով կամ 0,3%-ով։ Իսկ միայն արտաքին պարտքը նվազել է 26,9 մլն դոլարով կամ 0,6%-ով։