«Հիմնադիր խորհրդարանի» անդամ Ալեք Ենիգոմշյանը քիչ առաջ Խորենացի փողոցում իր ելույթում հայտնեց, որ «Սասնա ծռեր» խմբավորման անդամներին սննդով չեն ապահովում եւ նրանք ՊՊԾ գնդի տարածքում ոստիկանական մեքենա են այրել ի նշան բողոքի։ «22 ժամ է, որ տղաները սնունդ չեն ստացել, կապը չափազանց թույլ է իրենց հետ, և գումարած դրան մի շատ կարևոր, էական փաստ: Այնտեղ կա վիրավոր, և երեկ, ժամը 24-ից սկսած բժիշկ չի մոտնեում, սա իրականությունն է, որ տիրում է այսօր մեզնից մի քիչ հեռավորության վրա»,- ասել է Ալեք Ենիգոմշյանը։

«Այո, մեքենան հրդեհել ենք, ոստիկանության դիրքերից 15 մետրի վրա: Մեր տարածքում գտնվող մեքենա էր, տարանք կանգնեցրեցինք իրենց դիրքերից 15 մետր հեռավորության վրա ու այրեցինք: Բացի այդ, անօդաչու թռչող սարք ենք վայր գցել: Շատ ճիշտ ենք արել, որովհետև իրենք մեզ զրկել են կապից, սնունդից, լույսից: Այդ պատճառով էլ մենք պատասխան քայլ ձեռնարկեցինք՝ որպես ակցիա»,- Lragir.am-ին ասել է խմբի անդամ Վարուժան Ավետիսյանը: