HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Բերման են ենթարկում Խորենացի փողոցում գտնվող քաղաքացիներին

Այս պահին ոստիկանները բերման են ենթարկում Էրեբունի վարչական շրջանի Խորենացի փողոցում գտնվող մի շարք քաղաքացիների: Այս մասին Խորենացի փողոցից հայտնում է «Հետք»-ի լրագրողը:

Ոստիկանները մոտենում են Խորենացի փողոցի` ոստիկանական պատնեշի հարևանությամբ գտնվող պուրակում եղած քաղաքացիներին և կարճ խոսակցությունից հետո բերման են ենթարկում նրանց: Տարածքում գտնվելու 5 րոպեների ընթացքում լրագրողն ականատես է եղել մեկ երիտասարդ տղայի և մեկ տարեց տղամարդու բերման ենթարկելու դեպքերի:

Քիչ առաջ բերման է ենթարկվել նաև քաղաքացիական ակտիվիստ Վարդգես Գասպարին, ում ձեռքից խլել են պաստառը: Ավելի ուշ բերման են ենթարկվել նաև Դավիթ Սանասարյանը, ինչպես նաև դերասանուհի Արսինե Խանջյանը:

Ծառայություն իրականացնող ոստիկանները հրաժարվում են ասել, թե ինչ հիմքով են բերման ենթարկում:

տեսանյութը` Դիանա Ղազարյանի

Ազգային ժողովի պատգամավոր Նիկոլ Փաշինյանին քիչ առաջ Խորենացի փողոցում մոտեցան ոստիկաններ: Պատգամավորը հեռացավ նրանց հետ, ապա որոշ ժամանակ անց վերադարձավ` փոխանցելով ոստիկանների տված պատասխանը իր հարցին, թե ինչու են քաղաքացիներին բերման ենթարկում:

«Ես ներսում կարճ զրույց ունեցա Ոստիկանության զորքերի հրամանատար Լևոն Երանոսյանի հետ, հետո էլ մոտեցավ ոստիկանության Երևանի քաղաքային վարչության պետ Աշոտ Կարապետյանը, հետո կարճ խոսեցի Վալերի Օսիպյանի հետ: Իմ հարցը հետևյալն էր. բացատրեք` ինչու եք բերման ենթարկում: Նրանք ասում են, որ ոստիկանությունը հայտարարել է, որ այս տարածքում ցույցը արգելվում է հանրային անվտանգությունը ապահովելու նպատակով, բայց ասում եմ` ո՞ւր է այստեղ ցույց: Ցույց պետք է լինի, որ արգելեն, ինչ-որ մեկը ցույց տեսնո՞ւմ է, ո՞նց են որոշում` այդ մարդը ցույցի է եկել, թե եկել է, ենթադրենք, խանութից առևտուր անի: Այսինքն` էս մոտավորությունը, էս ապօրինությունը, հենց էս է, էս իրավիճակն է, որ բերում է հետևանքներ, որովհետև երբ պետական մարմինները ապօրինություն են անում… ցանկացած ապօրինություն պետք է բացատրել: «Սասնա Ծռերն» էլ ասում է` իրենք որ ապօրինություններ են անում, իսկ ինչու մենք չենք կարող մեր ձևով հակադարձել, կամ ցանկացած ազդեցություն ծնում է հակազդեցությոն, սա շղթայական ռեակցիայով շարունավում է»:

տեսանյութը` Նարեկ Ալեքսանյանի

[gallery id=597]

լուսանկարները` Գագիկ Աղբալյանի

Քիչ առաջ ոստիկանությունը «Հետք»-ին տեղեկացրեց, որ քաղաքացիներին բերման են ենթարկում ապօրինի զենք, զինամթերք, պայթուցիկ նյութեր պահելու կասկածանքով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter