Երեքշաբթի, 25 սեպտեմբերի

ՊՊԾ գնդի տարածքից դուրս են եկել վերջին երկու բուժաշխատողները



ՊՊԾ գնդից երեկ ուշ ժամի դուրս են եկել, ըստ ոստիկանության՝ հուլիսի 27-ից պատանդի կարգավիճակում գտնվող «Շտապօգնություն» ՓԲԸ բուժաշխատողներ Նորայր Թևանյանը և բուժքույր Մալինա Մարգարյանը: Բժիշկներից Սալվադոր Խեչոյանը հուլիսի 29-ին  գնդում վիրավորվածներին հիվանդանոց տեղափոխելու նպատակով դուրս էր եկել տարածքից և այլևս չէր վերադարձել ՊՊԾ շենք: Իսկ բուժակ Դավիթ Տոնոյանին դուրս էին թողել ավելի վաղ՝ առաջին օրը:

Ոստիկանությունը հրապարակել է բժիշկների հետ առաջին հարցազրույցի տեսագրությունը: Նորայր Թևանյանը պատմում է, որ ծանր օր է եղել, ներսում գտնվող «Սասնա ծռեր» խմբավորման տղաները քնած են եղել, քնած է եղել նաև բուժքույրը, սակայն նրան արթնացրել է և դուրս են եկել տարածքից:

Թե բժիշկ Տոնոյանը, թե բուժքույր Մարգարյանը նշում են, որ ՊՊԾ գնդի տարածքում գտնվող տղաներն իրենց ասել են, որ բժիշկների դեմ որևէ բան չունեն, պարզապես իրենց պետք է բժիշկների ներկայություն:

«Ասում էին մենք ձեր դեմ ոչինչ չունենք, թող բժիշկ մտցնեն ներս մենք ձեզ բաց ենք թողնում: Իրենց ասածը անընդհատ դա էր»,-ասում է Մալինա Մարգարյանը:

Նշենք, որ մինչ այս պահը բժիշկների դուրս գալու վերաբերյալ պաշտոնական հաղորդագրություն չի տարածվել: Իսկ առողջապահության նախարարի մամուլի խոսնակ Անահիտ Հայթայանը և «Շտապօգնություն» ՓԲԸ-ի տնօրեն Թագուհի Ստեփանյանը չեն պատասխանում հեռախոսազանգերին:


Գլխավոր էջ



Մեկնաբանություններ (1)
1. Տաթև15:50 - 31 հուլիսի, 2016
Դուք Ձեր աղջկա 30 ամյակը նշեք, որ վաղը հազարավոր մայրեր իրենց երեխաներին թաղեն,,,,
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ