Տեսանյութեր
Լուսանկարներ
Անդրիաս Ղուկասյանն անժամկետ հացադուլ է հայտարարել
Անդրիաս Ղուկասյանի պաշտպաններից Լուսինե Սահակյանը հաղորդում է, որ այսօր Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում իր ձերբակալման դեմ բողոքի քննարկման ընթացքում Ղուկասյանը հայտարարել է` իր նկատմամբ իրականացվող հետապնդումներն ակնհայտ քաղաքական են, ինքը քաղաքական բանտարկյալ է: Փաստաբանի փոխանցմամբ՝ Ղուկասյանը 17:50-ից հայտարարել է հացադուլ սկսելու մասին՝ հետևյալ պահանջով. «Պահանջում եմ ժողովրդից Հայաստանում հաստատել սահմանադրական կարգ և վերականգնել արդարադատությունը իրեն հասանելի բոլոր միջոցներով։ Հայաստանի Հանրապետությունում իշխանությունը պատկանում է ժողովրդին»։
Փաստաբան Լուսինե Սահակյանը փոխանցեց, որ Անդրիաս Ղուկասյանին հուլիսի 29-ին ծեծի ենթարկելու վերաբերյալ նշանակվել է դատաբժշկական փորձաքննություն: Անդրիաս Ղուկասյանը շարունակում է անազատության մեջ մնալ Ոստիկանության Երևան քաղաքի վարչության ՁՊՎ-ում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել