Մեկնարկեց ֆուտբոլի Հայաստանի 25–րդ առաջնությունը. «Շիրակը» վստահ է սկսել
Այսօր մեկնարկեց ֆուտբոլի Հայաստանի 25-րդ առաջնությունը, որին մասնակցում են մեր երկրի մարզական պատմության մեջ աննախադեպ քիչ՝ 6 թիմ՝ «Ալաշկերտը», «Արարատը», «Բանանցը», «Գանձասար-Կապանը», «Շիրակը» եւ «Փյունիկը»:
Առաջնության բացման խաղն ավարտվեց րոպեներ առաջ: Գյումրիում փոխչեմպիոն «Շիրակը» 3:1 հաշվով հաղթեց բազմաթիվ տիտղոսներ նվաճած «Փյունիկին» եւ լրացուցիչ ցուցանիշների շնորհիվ առայժմ գլխավորում է մրցաշարային աղյուսակը:
Երեւանի «Բանանցը» շնորհիվ Լաերսիոյի՝ 56-րդ րոպեին խփած գոլի, առավելության հասավ նվազագույն հաշվով «Արարատի» նկատմամբ: Ի դեպ, խաղից առաջ «Բանանցի» մարզահամալիրում տեղի ունեցավ «Արարատ 73-ի» լեգենդար ֆուտբոլիստ Հովհաննես Զանազանյանի արձանի բացումը:
Վաղը Երեւանի «Նաիրի» մարզադաշտում «Ալաշկերտը» կհյուրընկալի «Գանձասար-Կապանին»:
Լուսանկարը՝ «Բանանց»-«Արարատ» խաղից:
Մեկնաբանել