Ըստ ՀՀ ազգային վիճակագրական ծառայության (ՀՀ ԱՎԾ) հաշվարկների՝ այս տարվա առաջին կիսամյակում Հայաստանում արտադրվել է մոտ 9.5 հազ. տոննա պանիր, 465 տոննա կաթնաշոռ, ավելի քան 3000-ական տոննա մածուն ու թթվասեր, մոտ 5 մլն լիտր պաղպաղակ ու 270.3 մլն լիտր կաթ՝ ներառյալ գյուղացիական տնտեսությունների կողմից արտադրվածը (բացառությամբ` ներքին սպառումը): Ներկայացված են արտադրող կազմակերպությունների թողարկած ցուցանիշները։

2015-ի նույն ժամանակաշրջանի համեմատ՝ արտադրված պանրի ծավալն աճել է 7.4%-ով, կաթինը՝ 2.7%-ով, թթվասերինը՝ 3.1%-ով։ Միևնույն ժամանակ մածունի արտադրությունը պակասել է 3.7%-ով, կաթնաշոռինը՝ 5.9%-ով, պաղպաղակինը՝ 12.6 %-ով։

Տվյաները՝ ՀՀ ԱՎԾ

Հիշեցնենք, որ 2014 թվականի կեսերից, դրոշմապիտակավորման պարտադիր պահանջից հետո, Հայաստանում կաթնամթերքի արտադրության ծավալները կտրուկ ավելացան պաշտոնական վիճակագրության մեջ։ Դա ցույց տվեց, որ նախկինում այս ոլորտում ստվերի չափաբաժինը զգալի է եղել։