Ինչպես տեղեկացնում է ՀԱՕԿ մամլո ծառայությունը, այսօր Ռիո դը Ժանեյրոյի մրցահարթակներում ելույթ կունենան բռնցքամարտիկ Վլադիմիր Մարգարյանն ու լողորդ Վահան Մխիթարյանը:

Վերջինս առաջին ելույթը կունենա և կմասնակցի ազատ ոճի 50 մետր մրցումներին: Վահան Մխիթարյանը, որը Ռիո-2016-ի բացման արարողության ժամանակ Հայաստանի դրոշակակիրն էր, որակավորման փուլում հանդես կգա Երևանի ժամանակով մոտ 20:00-ին:

Վլադիմիր Մարգարյանը (69 կգ) 1/8 եզրափակչում կմրցի կուբացի Ռոնել Իգլեսիասի հետ, որը գործող օլիմպիական չեմպիոնն է: Մարգարյան–Իգլեսիաս մենամարտը կմեկնարկի ժամը 20:15-ին: