մի քանի անգամ անդրադարձել է Արմինե Մամաջանյանի Մղարթի գյուղապետ ընտրվելու խայտառակություններին: Արմինեն Մղարթի հանգուցյալ գյուղապետ Վաչիկ Նավասարդյանի կինն է: 2016թ.-ի հունվարի 24-ի Մղարթի համայնքապետի ընտրություններին մարզպետ Ա. Նալբանդյանը որոշել էր գյուղապետի ընտրություններով Մղարթի գյուղապետ ընտրել տալ Արմինե Մամաջանյանի որդուն՝ Երվանդ Նավասարդյանին: Այն ժամանակ պարզվել էր , որ Երվանդի 25 տարեկանը դեռ չի լրացել և գյուղապետի թեկնածու առաջադրվելու իրավունք չունի: Արթուր Նալբանդյանի խրախուսմամբ գյուղապետի թեկնածու էր առաջադրվել Արմինե Մամաջանյանը, այն ծրագրով, որ որդուն՝ Երվանդին կնշանակի գյուղապետի իր տեղակալ, որից հետո որդին կկատարի գյուղապետի պարտականությունները , ինքն էլ դպրոցում կշարունակի դասավանդել իր 28 ժամ դասերը: Մղարթի անողնաշար ավագանին որդուն նշանակել էր գյուղապետ մոր տեղակալ, սակայն ՀՀ տարածքային կառավարման նախարարությունը չէր հաստատել Մղարթի ավագանու որոշումը, հաշվի առնելով այն հանգամանքը , որ Մղարթի բնակչության թվին համապատասխան գյուղապետի տեղակալի հաստիքը պահելը օրինական չէ: Հիմա Երվանդ Նավասարդյանի 25 տարին արդեն լրացել է : Վերջինիս գյուղապետ դառնալու համար Մղարթում վերջին ընտրությունից 10 ամիս անց գյուղապետի նոր ընտրություն է նշանակվել ՝ մարզպետի նախաձեռնությամբ: Արմինե Մամաջանյանն էլ գյուղապետի պաշտոնից իր դիմումի համաձայն հրաժարվել է ամեն գնով որդուն գյուղապետ դառնալու շահերից ելնելով: Սա ՏԻՄ ընտրությունների նկատմամբ ՀՀ կառավարության և Լոռու մարզպետի խայտառակություններից է: