ԼՂՀ խորհրդարանը միաձայն ընդունել է համաներում հայտարարելու մասին որոշումը
ԼՂՀ Ազգային ժողովն օգոստոսի 25-ին հրավիրել է արտահերթ նստաշրջան և քննարկել Արցախի Հանրապետության նախագահի առաջարկը՝ ԼՂՀ հռչակման 25–րդ տարեդարձի կապակցությամբ համաներում հայտարարելու մասին: Այս մասին տեղեկացնում է ԼՂՀ Ազգային ժողովի մամուլի ծառայությունը:
Նստաշրջանին ներկա բոլոր պատգամավորները, ըստ հաղորդագրության, կողմ են քվեարկել (28 քվե) ԼՂՀ հռչակման 25–րդ տարեդարձի կապակցությամբ համաներում հայտարարելու մասին ԱԺ որոշմանը, որը ուժի մեջ կմտնի պաշտոնական հրապարակման պահից:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել