Վրաստանի ՆԳՆ ԱԻ դեպարտամենտից ՀՀ ԱԻՆ փոխանցած տեղեկատվության համաձայն` այսօր՝ ժամը 06.00-ից մինչև 20.00-ն, Լարսի ավտոճանապարհը կբացվի, իսկ երեկոյան ժամերին, անվտանգության նկատառումներից ելնելով, կրկին կփակվի: Այս մասին տեղեկացնում է ԱԻՆ-ը:

Ավտոճանապարհը, ըստ հաղորդագրության, բաց է բոլոր տեսակի ավտոմեքենաների համար հետևյալ կանոնների պահպանման դեպքում.

• միաժամանակ երկու կողմերից հանդիպակաց երթևեկությունն արգելվում է,
• երթևեկությունը պետք է իրականացվի առանց կանգառների,
• ինտենսիվ տեղումների դեպքում արգելել տրանսպորտային միջոցների երթևեկությունը:

Երթևեկությունը նշված կարգով իրականացվում է պարեկային ոստիկանության անմիջական վերահսկման և կոորդինացման ներքո: 

Լուսանակրը` mes.am-ի