Չորեքշաբթի, 26 սեպտեմբերի

Էդգար Խաչատրյանը՝ աշխարհի առաջնության բրոնզե մեդալակիր



Այսօր Հայաստանի ըմբշամարտի հավաքականը եւս մեկ մեդալ է նվաճել Ֆրանսիայում կայանալիք աշխարհի երիտասարդական առաջնությունում:

Հունահռոմեական ոճի գերծանր քաշային կարգում (120 կգ) հանդես եկող Էդգար Խաչատրյանը բրոնզե մեդալի համար պայքարում տուշեով հաղթել է ռուսաստանցի Նիկոլայ Իզմայլովին:

Այդ քաշային կարգում ոսկե մեդալակիր է դարձել վրացի Զվիադի Պատարիձեն, արծաթե մեդալակիր՝ թուրք Օսման Քենան Յլդըրիմը:

Այսօր բրոնզե մեդալի համար պայքարելու իրավունք էր ձեռք բերել նաեւ Հայաստանի մեկ այլ ներկայացուցիչ՝ Մալխազ Ամոյանը: Նա 3-2 հաշվով պարտություն կրեց ադրբեջանցի Իսլամբեկ Դադովից եւ վերջնական արդյունքում զբաղեցրեց 5-րդ հորիզոնականը:

Հայաստանը ներկայացուցիչ ուներ նաեւ 55 կգ քաշային կարգում: Էդգար Թամազյանը 1/8 եզրափակչից հետո լքեց պայքարը:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ