Էջմիածնի ավագանու թեկնածուին առևանգած ևս մեկ անձ է ձերբակալվել
Էջմիածնում ավագանու թեկնածուին առևանգելու մեղադրանքով ևս մեկ անձ է ձերբակալվել: Այս մասին հայտնում է դատախազությունը, որը հանցագործության մասին հաղորդագրություն էր տարածել սեպտեմբերի 17-ին:
Մեղադրյալը Երևանի բնակիչ է, դատախազությունը հաղորդում է մեղադրյալի անվան և ազգանվան առաջին տառերը` Ա.Կ.: Սեպտեմբերի 18-ին նույն գործի շրջանակներում ձերբակալվել էր Էջմիածին քաղաքի բնակիչ Ա.Ա., որի նկատմամբ խափանման միջոց է ընտրվել կալանավորումը։
Քրեական գործը հարուցվել է մի խումբ անձանց կողմից նախնական համաձայնությամբ բռնություն գործադրելու և դրա սպառնալիքի միջոցով Էջմիածին քաղաքի ավագանու թեկնածուին առևանգելու և վերջինիս ընտրական իրավունքների իրականացմանը խոչընդոտելու համար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել