Սերժ Սարգսյանը դատավորներ նշանակելու մասին հրամանագիր է ստորագրել:

Սարգսյանը Լիլիթ Թադևոսյանին նշանակել է Հայաստանի Հանրապետության վճռաբեկ դատարանի քրեական պալատի դատավոր՝ դադարեցնելով նրա՝ Հայաստանի Հանրապետության վերաքննիչ քրեական դատարանի դատավորի լիազորությունները: Իսկ Արսեն Մկրտչյանին նշանակել է վերաքննիչ քաղաքացիական դատարանի դատավոր:

Հրամանագրով նաև ուժը կորցրած է ճանաչվել Հայաստանի Հանրապետության նախագահի 2011 թվականի հուլիսի 23-ի «Վճռաբեկ դատարանում դատավոր նշանակվելու համար ծառայողական առաջխաղացման ցուցակը հաստատելու մասին» ՆՀ-137-Ա հրամանագրի 1-ին կետով հաստատված հավելվածի` Քրեական մասնագիտացման բաժնի 3-րդ կետը: